Silk Way Star: megashoýdyń jartylaı fınalyna kimder ótti
ASTANA. KAZINFORM – Astanada ótip jatqan Silk Way Star halyqaralyq vokaldyq megashoýynyń segizinshi shyǵarylymy qatysýshylar, kórermen jáne qazylar alqasy úshin de eń áserli kezeńderdiń biri boldy.
Jibek Joly telearnasynyń sahnasynda álemdik baıqaýlarda jeńiske jetip, ańyzǵa aınalǵan ánder shyrqaldy. Bul epızodta álem elderinen kelgen segiz qatysýshy óner kórsetti.
Alǵash bolyp Malaızııa ókili ıAzmın Azız sahnaǵa shyqty. Ol joǵary vokal men energııaǵa toly Proud Mary hıtin oryndap, kórermenge rok-ánshi beınesinde kórindi.
- Búgin sahnada múlde basqa ıAzmın Azız bolady, - dedi ol daıyndyq kezinde.
Kúshti vokaly jáne harızmasymen ol kórermender men qazylardy tánti etti.
Tájikstannan kelgen Fahrıddın Hakımov sezimge toly Arcade ánin oryndady.
- Men Tájikstandy tanystyramyn jáne súıikti elim fınalǵa shyqsyn dep barymdy salamyn. Búgin sizderge taǵy bir ádemi, áserli án syılaǵym keledi, - dedi ol.
Shynaıylyǵy men sheberligi arqyly ol kórermenderdiń qoldaýyna ıe boldy.
Qazaqstandyq qatysýshy ALEM I Wanna Be Your Slave kompozıtsııasyn oryndady.
- Men árqashan ózime unaıtyn ándi tańdaımyn. Bul ánniń atmosferasy men energııasy maǵan jaqyn, - dedi ol daıyndyqta.
ALEM sahnada ózindik stıli men erkindigin, zamanaýı oryndaý mánerin kórsetti.
Ózbekstannan kelgen Madınaboný Adylova 2009 jylǵy «Evrovıdenıe» jeńimpazy bolǵan Fairytale ánin oryndady.
- Bul óte tanymal án, men ony ózimshe jetkizgim keldi, - dedi ol.
Ánshiniń sahnalyq tartymdylyǵy men aıqyn vokaly hıtke jańa sıpat berdi.
Grýzııa ókili Avtandıl Abeslamıdze Tattoo ánin oryndady.
- Búgin men bar kúshimdi salamyn, qazylardy baýrap, joǵary baǵa alǵym keledi. Bul ándi búkil júregimmen oryndaımyn, - dedi ol.
Emotsııaǵa toly oryndaýy kórermenge zor áser qaldyrdy.
Mońǵolııadan kelgen Mıshel Djozef Earth Song ánin tańdady.
- Án men sóz jazý sáti men úshin erekshe baqyt. Bul meniń durys jolda ekenimniń belgisi, - dedi ol.
Óner kórsetý barysynda ol adamgershilik, izgilik jáne tabıǵatpen úılesim taqyryptaryn jetkizdi.
Qytaılyq Chjan He Sıýan Yíng ma le ánin oryndady.
- Bul mýzykalyq saıys bolǵanymen, biz arasynda básekeden góri dostyq bar. Bizdiń dostyǵymyz birinshi orynda, - dedi ol.
Onyń júrekjardy sózi men áserli áni qatysýshylar arasyndaǵy birliktiń sımvolyna aınaldy.
Sońǵy bolyp Armenııa ókili Saro Gevorgıan River kompozıtsııasyn oryndady.
- Bul án meniń repertýarymda burynnan bar. Ár oryndaǵan saıyn kórermen erekshe áser alady. Búgin ózimdi jańa qyrymnan kórsetkim keledi, - dedi ol.
Kúshti jáne sezimge toly vokaly kórermen men qazylardy baýrap aldy.
Nátıjesinde segizinshi epızodtyń jeńimpazy bolyp Malaızııadan ıAzmın Azız tanyldy, ol 128 ball jınady jáne barlyq kezeń boıynsha jalpy reıtıngide kósh bastady.
Eń tómen baldy Tájikstan ókili Fahrıddın Hakımov aldy, biraq Qytaıdan kelgen ádilqazy, belgili kompozıtor jáne prodıýser Hýn Bın veto quqyǵyn paıdalanyp, ony jobada qaldyrdy.
Osylaısha, barlyq segiz qatysýshy Silk Way Star jobasynda jeńimpaz ataǵy úshin kúresti jalǵastyrady jáne Astanada ótetin jartylaı fınalda kezdesedi.
Jartylaı fınalda qatysýshylardy jańa shyǵarmashylyq synaqtar kútedi. Olar qazaqstandyq juldyzdarmen dýet bolyp án oryndaıdy. Kórermenderdi erekshe oryndaýlar, mýzykalyq úılesim men jarqyn sahnalyq beıneler kútip tur.
Baǵdarlamanyń segizinshi shyǵarylymynyń tolyq nusqasyn Jibek Joly arnasynyń YouTube-arnasynan kórýge bolady.
Aıta ketsek, Qazaqstanda joba efıri ár senbi saıyn: saǵat 20:00-de Jibek Joly, al 22:30-da Silk Way telearnasynda kórsetiledi.
Eske salaıyq, Silk Way Star jobasyn mıllıardtaǵan kórermen tamashalaıdy.