Silk Way Star: qytaılyq qatysýshy qazaqstandyqtarǵa rahmet aıtty

ASTANA.KAZINFORM - Silk Way Star halyqaralyq telejobasynyń qytaılyq qatysýshysy Chjan He Sıýan qazaqstandyqtarǵa alǵys aıtty.

Chjan He Sıýan fınalda Silk Way Star jobasynyń qytaılyq tóreshisi Hýn Bınnyń «Ýaqyt ózeni» ánin tańdap, tabysty óner kórsetti.

Qytaılyq ánshi tóreshiler baǵasyn alǵannan keıin tikeleı efırde júrekjardy lebizin bildirdi.

- Osyndaı iri halqaralyq jobaǵa qatyspaǵanyma kóp boldy. Silk Way Star jobasyna alǵysym sheksiz. Bul meniń Qazaqstanǵa birinshi ret kelýim. Mádenıet pen mýzykanyń sıqyry maǵan qazaqstandyq dostardyń yqylasyn sezinýge múmkindik berdi, - dedi ol.

Chjan He Sıýan jobaǵa qatysýshy elder arasyndaǵy dostyqtyń máńgilikke jalǵasýyn tiledi.

- Túsirilim barysynda baǵdarlama tobynyń kásibıligi men janashyrlyǵyn da baıqadym. Árbir qatysýshynyń eńbegine alǵysymdy bildiremin, sondaı-aq kórermenderdiń qoldaýy men jigerlendirgeni úshin rızamyn. Menińshe, mýzyka — bul kópir jáne mýzyka arqyly 12 el arasyndaǵy dostyq máńgilikke saqtalsyn dep úmittenemin. Qytaı barshańyzdy qarsy alady,- dedi ol.

Eske salaıyq, Silk Way Star fınalyna jeti oryndaýshy ótti: ALEM, ıAzmın Azız, Avtandıl Abeslamıdze, Mıshel Djozef, Chjan He Sıýan, Saro Gevorgıan jáne Madınaboný Ádilova.

Osyǵan deıin habarlaǵanymyzdaı, Chjan He Sıýan Jibek Joly telearnasyndaǵy «Bugin Live» baǵdarlamasynda qonaqta bolǵan edi.