Silk Way Star jobasy kelesi jyly Qytaıda ótedi
ASTANA. KAZINFORM — Silk Way Star jobasy bıyl Qytaı men Qazaqstan arasyndaǵy kelisim negizinde alǵash ret iske qosyldy. Kelesi jyly baıqaýdy Qytaı tarapy ótkizedi. Bul týraly OKQ alańynda Jibek Joly telearnasynyń basqarýshy dırektory Erkejan Kúntýǵan málimdedi.
Onyń aıtýynsha, aldaǵy ýaqytta jobany jeńimpaz elde ótkizý týraly usynystar tússe, bul bastamany eki tarap ta qoldaýǵa daıyn.
— Biz jobany iske qosqannan keıin Indonezııa, Vetnam, Úndistan qyzyǵýshylyq tanytty, biraq bıylǵy maýsymǵa qatysýǵa úlgermedi. Joba 12 eldiń aıasynda shektelmeıdi. Óıtkeni kóptegen Azııa memleketi bar. Azııada mádenı turǵyda biriktiretin ortaq alań joq. Máselen, bıyl qatyspaǵan Japonııanyń ózi sonyń bir mysaly. Olardy da qosa alsaq, el sany aıtarlyqtaı artady. Sonymen qatar arab elderi de qyzyǵýshylyq bildirip otyr. Kúni keshe fınalǵa Kýveıttiń elshisi qatysty. Bul bastamasy ǵana, jobanyń deńgeıi aldaǵy jyldary ósedi, — dedi Erkejan Kúntýǵan.
Budan buryn Jibek Joly telearnasynyń basqarýshy dırektory Silk Way Star fınalyn 120 mln kórermen tamashalaǵanyn aıtty.
Budan bólek shara barysynda qytaılyq qazylar alqasynyń múshesi Hýn Bın bıylǵy jobanyń mádenı máni men bolashaq josparlarymen bólisti.