Silk Way Star halyqaralyq vokaldyq jobasynan kimder ketti

ASTANA. KAZINFORM – Astanada ótip jatqan Silk Way Star halyqaralyq vokaldyq shoýynyń altynshy epızodynda qatysýshylar sońǵy jyldardaǵy álemdik hıtterdi oryndady.

Kezekti kezeńnen keıin jobada toǵyz oryndaýshy ǵana qaldy.

Shoý sahnasy dástúrli túrde emotsııaǵa, draıvqa jáne artıstızmge toly boldy. Epızodty Malaızııa ókili ıAzmın Azız ashty, ol Ledı Gaganyń Abracadabra ánin oryndap, kórermenderdi tánti etti. Ánshiniń jarqyn óneri keshtiń jalpy kóńil kúıin aıqyndady. 

Qyrǵyzstannan kelgen Tamga Only Girl atty ańyzǵa aınalǵan kompozıtsııany oryndap, jandy dybys pen qýatty energııaǵa basa nazar aýdardy. Qazylar alqasy án sońǵy mýzykalyq jańalyqtar qataryna jatpaıtynyn atap ótse de, oryndaýǵa ruqsat berdi.

Ońtústik Koreıalyq Kandis toby anımatsııalyq serıaldan shyqqan Golden ánin áserli oryndady. 2025 jyldyń mýzykalyq qubylystarynyń biri bolǵan týyndy sahnada erekshe, tipti sıqyrly atmosfera týdyrdy. 

Grýzııadan kelgen Avtandıl Abeslamıdze ótken jyly mýzykalyq charttarda uzaq ýaqyt boıy kósh bastaǵan APT hıtiniń ózindik nusqasyn usyndy. Bı yrǵaǵy men este qalarlyq qaıyrmasy ár jastaǵy kórermenderdiń kóńilinen shyqty.

Qazaqstan atynan Alem óner kórsetti, jerlesimiz ırlandııalyq ánshi Hozier-diń Too Sweet atty áserli tregin oryndady. Án álemdik hıtke aınalǵan, al Alem ándi jary Veronıkaǵa arnady.

Sahnada olardyń otbasylyq estelikteri beınelenip, nómir keshtiń eń júrek tebirenter sátteriniń birine aınaldy. 

Tájikstan ókili Fahrıddın Hakımov Beggin ánin oryndady, bul hıtti álemge qaıta tanytqan Maneskin toby edi. Zal oryndaýshyny uzaq shapalaqpen qoldady.

Qytaılyq qatysýshy Chjan He Sıýan elinde hıtke aınalǵan Danshen jiu yao paidui atty avtorlyq ánin oryndady. Osylaısha, ózin ári oryndaýshy, ári avtor retinde tanytty. 

Armenııadan kelgen Saro Gevorgıan amerıkalyq Teddy Swims-tiń Lose Control ánin oryndap, sahnany qýatty energııa men sezimge toltyrdy.

Ózbekstan ókili Madınabolý Adılova Spotify tarıhynda uzaq ýaqyt boıy birinshi orynda turǵan Die With A Smile tregin oryndady. Án álemniń 30-dan astam eliniń charttarynda kósh bastaǵan.

Mońǵolııadan kelgen Mıshel Djozef náziktik pen ishki kúshtiń úılesimin kórsetken Born Again ánin shyrqap, kesh kórermenderine emotsııalyq sát syılady. 

Altynshy kezeńniń qorytyndysy boıynsha kóshbasshylar - Qazaqstan men Ózbekstan ókilderi, olar teń upaı jınady. Barlyq alty apta nátıjesi boıynsha jalpy kóshbasshylyqty qazaqstandyq ánshi Alem saqtap qaldy.

Ókinishke qaraı, jobadan Ońtústik Koreıanyń Kandis tobynyń qatysýshylary shyǵyp qaldy. Olar Silk Way Star shoýynyń alty epızodynyń qorytyndysy boıynsha 606 upaı jınaǵan.

Buǵan deıin qazaqstandyq qazylar alqasynyń múshesi Janar Duǵalova quqyǵyn paıdalanyp, topqa jobada qalýǵa múmkindik bergen bolatyn. Alaıda, bul joly toptyń jobadaǵy joly aıaqtaldy.

Kandis toby shoý ujymyna jáne qazaqstandyq kórermenderge jyly qabyldaý men K-pop mádenıetine degen qyzyǵýshylyqtary úshin alǵys aıtty.

Buǵan deıin jobadan Sabına Zade (Ázerbaıjan) jáne Dovran Shammyev (Túrikmenstan) ketken bolatyn.

Silk Way Star halyqaralyq vokaldyq jobasynyń altynshy epızodynyń tolyq nusqasyn myna jerden kórýge bolady. 

Shoý ár senbi saıyn «Jibek Joly» arnasynda saǵat 20:00-de, al Silk Way arnasynda 22:30-da efırge shyǵady.

Silk Way Star - Azııadaǵy alǵashqy vokaldyq baıqaý. Elorda tórinde bir sahnada 12 eldiń talantty oryndaýshylary bas qosty. Onyń qatarynda Ázerbaıjan, Armenııa, Grýzııa,

Qazaqstan, Qytaı, Qyrǵyzstan, Malaızııa, Mońǵolııa, Tájikstan, Túrikmenstan, Ózbekstan jáne Ońtústik Koreıa elderi bar. 

Aıta keteıik, Astanadan Kýala-Lýmpýrge deıin - Silk Way Star jobasyn mıllıardtaǵan kórermen tamashalaıdy.