Silk Way Star-ǵa Qazaqstan atynan qatysatyn Alem: Men úshin bul úlken mártebe

ASTANA. KAZINFORM – Astanada ótetin Azııa elderi arasyndaǵy «Silk Way Star» halyqaralyq baıqaýyna Qazaqstan atynan qatysatyn ánshi Alem jarys aldyndaǵy óziniń áserimen bólisti.

— Qazaqstannyń namysyn qorǵaıdy degende júregim zý ete qaldy. Ras, qobaljyp tyrmyn. Shynyn aıtaıyn, bul úlken jaýapkershilik jáne mártebe. Maǵan syndaı múmkindik berilgenine úlken rahmet! Qýana-qýana osynsha jyl sahnada júrip jıǵan ónerimdi salýǵa tyrysamyn. Iá, bul baıqaýda jeńiske jetkim keledi. Biraq men bul jobaǵa jarys retinde qaraǵym kelmeıdi. Kerisinshe, ár tyńdaýshynyń júregine jetkim keledi, ár kórermenniń kózaıymy bolǵym keledi. Tyńdarmandarymnyń júrek kóńil bıiginde jańǵyrǵym keledi, — dedi ol 101,4 tolqynyndaǵy Jibek Joly radıosyna bergen suhbatynda. 

Sondaı-aq ánshi baıqaýdaǵy ár kezeńniń óz taqyryby bolatynyn, soǵan saı tapsyrma da ózgerip otyratnynyn aıtty. 

— Ár epızodtyń óziniń taqyryby bar, soǵan saı biz án tańdap nemese bir ánderdi ózgertip basqasha oryndap shyǵýymyz kerek. Sondyqtan da bul jerde árıne, bir baǵytta ǵana óner kórsetpeımiz, munda ártúrli baǵyttarda shyrqaýǵa týra keledi. Sondyqtan biz jan-jaqty óner kórsetýge tyrysamyz, — dep túıdi sózin Alem laqap atymen tanylǵan Batyrhan Málikov.

Aıta keteıik, buǵan deıin Azııa memleketteri arasynda alǵash uıymdastyrylǵan mýzykalyq baıqaý Astanada ótetinin jazǵan edik. 

«Silk Way Star» baıqaýy birqatar Azııa elinde telearnadan kórsetiledi.

Onda Qazaqstan atynan ánshi Alem óner kórsetetin boldy.