Silk Way Star baıqaýynyń fınalynda Ázerbaıjan men Armenııa ókilderiniń arasynda qyzyqty jaǵdaı boldy
ASTANA.KAZINFORM – Astanada ótip jatqan birinshi azııalyq vokaldyq joba - Silk Way Star baıqaýy barysynda júrek tebirenter jaǵdaı boldy. Ázerbaıjandyq ádilqazylar alqasynyń múshesi Samıra Efendı baıqaýǵa qatysýshyǵa eń joǵary 12 upaı berdi.
-Búkil álemde dostyq ornasyn. Men saǵan eń joǵary 22 upaı berdim,-dedi ol.
Osydan soń Saro Gevorgıan sahnadan túsip, Samıra Efendıdi qushaqtady.
Ártister bir-birine jyly sózder aıtyp, syılastyq men qoldaýdyń úlgisin kórsetti.
Tamyzda Ázerbaıjan men Armenııa áskerı qaqtyǵysty toqtatý týraly deklaratsııaǵa qol qoıdy. Jaqynda Armenııa premer-mınıstri Nıkol Pashınıan beıbitshilik Almaty deklaratsııasy negzinde ornaǵanyn aıta kele Qazaqstan prezıdentine alǵysyn bildirdi.
Aıta keteıik, osyǵaen deıin qytaılyq kompozıtor Hýn Bın Silk Way Star jobasy mádenıetterdiń toǵysý alańyna aınalǵanyn aıtty.
Aıta keteıik, Jibek Joly telearnasynan Azııanyń alǵashqy vokaldyq megajobasy — Silk Way Star-dyń fınaldyq shoýy translıatsııasy ótip jatyr. Joba kórsetilimi shamamen 1 mlrd adamdy qamtıdy.
Fınal Ázerbaıjannyń Space TV, Tájikstannyń «Safına», Qyrǵyzstannyń «Mýzyka» jáne «Madanııat», Mońǵolııanyń UBS jáne «AIST Global», Ózbekstannyń Zor TV jáne Grýzııanyń Georgian Times arnalarynan kórsetilip jatyr.
