Silk Way Star: Ázerbaıjan ánshisi jobamen qosh aıtysty

ASTANA. KAZINFORM — Silk Way Star baıqaýynyń ekinshi kezeńi aıaqtaldy. Búgin ádilqazy alqalary 12 ónerpazdyń ishinen jobamen qosh aıtysatyn qatysýshyny anyqtady.

Halyqaralyq jarysta alǵash bolyp Ázirbaıjannyń atynan synǵa túsken Sabına Zadeh óz eline qaıtady. Ol búgin birinshi bolyp óner kórsetken edi. Ánshi ekinshi aınalymda «Show me how you Burlesque» ánin oryndaǵan. Alaıda qazylar alqasy ónerpaz yrǵaq úılesimin saqtamady degen pikir bildirdi. Búgingi baǵa boıynsha 106 ball alǵan ázirbaıjandyq qatysýshy jalpy esepte 210 upaı jınady.

– Talant baǵamen ólshenbeıdi. Men óz ónerime senemin, - dedi Sabına Zadeh.

Aıta keteıik, Silk Way Star jobasyna qatysyp jatqan malaızııalyq-fılıppındik ánshi qazaqstandyq tyńdarmandy baýrap aldy.