Silk Way Star avtorlary megajobanyń negizgi sahnasy qalaı qurylǵanyn aıtyp berdi
ASTANA.KAZINFORM - Silk Way Star alǵashqy azııalyq vokaldyq jobasynyń úsh aıynda 12 elden kelgen ánshiler Astanadaǵy sahnada óner kórsetip, 90-nan astam erekshe nómirdi kópshilik nazaryna usyndy. Bul jobany uıymdastyrýshy komanda alǵash ret sahna dızaınynyń kórkemdik tujyrymdamasy, kúrdeli tehnıkalyq sheshimder jáne 22 qarashada ótetin fınalǵa daıyndyq týraly egjeı-tegjeıli baıandady.
Jibek jolynyń metaforasy retindegi stsenografııa
Jobanyń shef-redaktory Qasymhan Aldashev Silk Way Star-dyń kórkemdik tujyrymdamasy mádenı baılanys pen ilgerileýdiń sımvoly sanalatyn Jibek jolynyń sıpatyna negizdelgenin atap ótti.
– Konstrýktsııanyń negizinde úzdiksiz órleý maǵynasyna ekpin qoıyldy. Munyń mazmunyn sahnadan bastap joǵary qaraı sozylǵan jaryq spıralinen anyq baıqaýǵa bolady. Bul turǵyda ár ánshiniń júrip ótken jolyn kórsetkimiz keldi, ıaǵnı sahnaǵa alǵash shyqqan sátinen bastap halyqaralyq fınaldyń shyńyna deıingi arylyǵyn sıpattadyq, - deıdi Aldashev.
Áýede qalyqtaǵan LED-spıraly bar kóp deńgeıli sahna osy shoýdyń negizgi sımvoldarynyń birine aınaldy. Dınamıkalyq dızaınnyń arqasynda bul jobaǵa qatysýshylar ondaǵan kórkemdik sheshimderdi júzege asyra aldy, ıaǵnı mınımalıstikten bastap etnıkalyq jáne fýtýrıstikke deıingi ıdeıalar qamtyldy.
Qoıylymdar qalaı jasalady?
Jobanyń bas rejısseri Anatolıı Frolov komanda árbir ártis úshin jeke qoıylym jasaǵanyn atap ótti.
Túsirilim alańynda 15 kamera, LED eden jáne ár nómirge arnalǵan grafıka men vızýaldy beıneni kórsetetin LED-ekrandardyń spıraly boldy.
– Bul konstrýktsııa biryńǵaı jol ıdeıasyn aıqyn kórsetip tur. Oǵan muqııat qaraǵan kórermender «S» árpi beınelengenin ańǵardy. Ol - Silk Way Star sımvoly jáne joǵary qaraı órleýdiń metaforasy, - dedi Frolov.
Onyń aıtýynsha, 99,9% jaǵdaıda qoıylymdar rejısserdiń tujyrymdamasyna sáıkes júzege asyrylyp otyrdy, biraq ártister ózderiniń elderiniń stılin erekshe atap ótý úshin tıisti elementterin de engizdi.
Sahna syrtyndaǵy ómir
Bir nómirdi tolyq shyǵarý úshin ondaǵan maman jumys isteıdi. Olardyń qatarynda rejısserler, operatorlar, tehnıkalyq qyzmet, mýzyka prodıýserleri, rekvızıtorlar, jaryqtandyrý jáne dybys ınjenerleri, horeograftar, stılıstter jáne grımerler aýqymdy jumysty atqarady.
Rejısserdiń assıstenti Anora Abdýrahmanova qoıylym arasynda sahnany qaıta qurýǵa eki-bes mınýt aralyǵynda ýaqyt kerek ekenin aıtty.
– Árbir sekýndty dál eseptep, taımıngke sáıkes kelýin qamtamasyz etý úshin efırge deıin sahnadaǵy is-qımyldardy birneshe ret daıyndyqtan ótkizemiz, - deıdi ol.
Sonymen qatar tehnıkalyq komandanyń ókilderi keıbir nómirler kúrdeli sheshimderdi qajet etkenin atap ótti. Qoıylym kezinde kóterilip-túsetin jyljymaly metall konstrýktsııalar qoldanyldy. Osy arqyly shańyraq beınesin jáne ózge de kúrdeli kórinisterdi tamashalaýǵa múmkin boldy.
Munymen qosa, arnaıy trıýk jasaýdyń elementteri de boldy. Alpınıst sahnanyń joǵarǵy deńgeıine deıin kóterilip, arnaıy effekti úshin rekvızıtterdi dál ýaqytynda tómenge túsirip otyrdy. Mundaı qoıylymdar dáldik pen erekshe qaýipsizdik sharalaryn talap etedi.
Grand-fınal nesimen erekshe bolady?
Bas rejısserdiń aıtýynsha, fınal osyǵan deıingi toǵyz efırden ózgeshe bolady.
– Buǵan deıin dekoratsııalardyń aýqymymen jáne kúrdeli grafıkamen barlyǵyn tańdandyrdyq. Biraq, fınal basqasha bolady. Ánshiler taza vokaldyq ónerin keńinen tanytýy úshin keńistiktik aýqymdy bolýy kerek degen sheshimge keldik, - dedi ol.
Shyǵarmashylyq komanda daıyndyq jumystaryn aıaqtaýǵa jaqyndady, al fınalıster osy maýsymdaǵy eń myqty nómirlerin daıyndap jatyr.
Grand-fınal 22 qarashada saǵat 20:00-de Jibek Joly telearnasynda ótedi.
Onyń translıatsııasy Qazaqstanda, Ázerbaıjanja, Qyrǵyzstanda, Tájikstanda jáne Mońǵolııada bir ýaqytta kórsetiledi.
Silk Way Star fınalısteri:
ALEM (Qazaqstan)
ıAzmın Azız (Malaızııa)
Avtandıl Abeslamıdze (Grýzııa)
Mıshel Djozef (Mońǵolııa)
Chjan He Sıýan (Qytaı)
Saro Gevorgıan (Armenııa)
Madınaboný Adylova (Ózbekstan)
Jeńimpaz aralas júıe boıynsha anyqtalady: 50 paıyzy qazylar alqasy jáne qalǵan 50 paıyzy onlaın daýys berý arqyly. Ánshilerdi silkwaystar.org saıtynda qoldaýǵa bolady.
Joba Qazaqstan Respýblıkasy Prezıdentiniń Teleradıokesheni men China Media Group (CMG) medıakorporatsııasy arasyndaǵy kelisim aıasynda júzege asyrylyp jatyr.