Silk Way arnasy Reseı prezıdentin Aqordada qarsy alý rásimin tikeleı efırde kórsetedi

ASTANA. KAZINFORM – Qazaqstan Respýblıkasynyń Prezıdenti Qasym-Jomart Toqaevtyń shaqyrýymen Reseı Federatsııasynyń Prezıdenti Vladımır Pýtın elimizge memlekettik saparmen keledi.

Silk Way telearnasy Vladımır Pýtındi Aqordada qarsy alý rásimin tikeleı efırde kórsetedi. 

Sondaı-aq sharanyń onlaın translıatsııasy Silk Way Qazaqstan Youtube arnasynda júrgiziledi.

Buǵan deıin habarlanǵanyndaı, sapar aıasynda joǵary deńgeıdegi kelissózder júrgiziledi. Memleket basshylary Qazaqstan men Reseıdiń HH Óńiraralyq yntymaqtastyq forýmyna beınekonferentsııa rejımi arqyly qatysady.

28 qarasha kúni Qazaqstan Prezıdenti Qasym-Jomart Toqaevtyń tóraǵalyǵymen UQShU Ujymdyq qaýipsizdik keńesiniń kezekti sessııasy ótedi. Jıynda aımaqtyq jáne halyqaralyq qaýipsizdiktiń negizgi máseleleri talqylanady. Otyrys qorytyndysy boıynsha birqatar qujatqa qol qoıylady.

Aıta ketsek, sapar qarsańynda «Izvestııa» gazetine Qazaqstan Respýblıkasynyń Prezıdenti Qasym-Jomart Toqaevtyń «Qazaqstan men Reseı: strategııalyq seriktestiktiń jańa kókjıegi» atty maqalasy shyqty.

Al «Kazahstanskaıa pravda» gazetinde Vladımır Pýtınniń maqalasy jarııalanyp, irgeles memleket basshysy eki el arasyndaǵy yntymaqtastyq týraly oıyn jetkizdi.