Silk Power 2026: álemdi ózgertetin jumsaq kúsh
ASTANA.KAZINFORM — Astanada Qazaqstan Respýblıkasy Prezıdentiniń Teleradıokesheni «Dara» prezıdenttik bastamalar qorynyń qoldaýymen uıymdastyrǵan Silk Power atty is-shara ótti.
Kezdesý Halyqaralyq áıelder kúni qarsańynda uıymdastyryldy.
Talqylaýdyń negizgi taqyryby — dástúrli qundylyqtar, jasampaz ambıtsııalar jáne tsıfrlyq transformatsııa úılesim tapqan zamanaýı áıeldiń tabys formýlasy boldy.
Uıymdastyrýshylardyń aıtýynsha, Silk Power — jumsaq kúshtiń jahandyq ózgeristerdiń mańyzdy quralyna qalaı aınalyp jatqanyn kórsetetin bastama. Búginde Uly dalanyń áıelderi — otbasy men mansaptyń arasynda tańdaý jasamaı, maǵyna, empatııa jáne kásibılik mańyzdy oryn alatyn jańa shynaıylyqty qalyptastyryp júrgen kóshbasshylar.
Silk Power alańy medıtsına, medıa, kommýnıkatsııa salasynyń mamandaryn, memlekettik organdar men qoǵamdyq sektor ókilderin qosa alǵanda, ártúrli saladaǵy áıelderdi biriktirdi.
Uıymdastyrýshylar atap ótkendeı, qatysýshylardyń túrli ómir joly, tájirıbesi jáne ózin-ózi júzege asyrýynyń árqıly formalary ortaq birlikke — sanaly, kemel jáne jasampaz qaýymdastyqqa negiz boldy.
Іs-shara barysynda Qazaqstan Respýblıkasy Prezıdenti Ákimshiligi basshysynyń orynbasary Ásel Janasova, Qazaqstan Respýblıkasyndaǵy Bala quqyqtary jónindegi ýákil Dınara Zakıeva, Májilis depýtaty Únzıla Shapaq sóz sóıledi.