«Sıla Sıbırı-2» gaz qubyry arqyly Shyǵys Qazaqstan turǵyndaryna gaz berilýi múmkin

Bul týraly búgin QR Parlamenti Senatynda 2020-2022 jyldarǵa arnalǵan respýblıkalyq bıýdjetti talqylaý barysynda Premer-Mınıstr Asqar Mamın aıtty, dep habarlaıdy QazAqparat tilshisi.

«Shyǵys Qazaqstan oblysynda qazirgi ýaqytta belgili bir aýdandardy gazben qamtamasyz etip otyrǵan shaǵyndaý ken orny bar. Degenmen, qazirgi ýaqytta óńirdegi ekologııalyq ahýaldy eskere otyryp, tolyqtaı gazdandyrýdy qarastyryp otyrmyz. Keleshekte júzege asyrylatyn »Sıla Sıbırı-2« jobasyna qatysý nusqasyn qarastyryp jatyrmyz. Mundaı joba bar, qazir talqylaný ústinde», - dedi Úkimet basshysy senatorlardyń jaýabyna oraı.

Onyń atap ótýinshe, «Sıla Sıbırı-1» jobasy júzege asyrylyp, qubyrǵa gaz berilgen.

«Qazirgi ýaqytta »Sıla Sıbırı-2« jobasy arqyly ótetin gaz baǵasyn kelisip jatyrmyz. Biz reseılik tarapqa Qytaı naryǵyna shyǵatyn qubyrdy Qazaqstan aýmaǵy arqyly ótkizýdi usyndyq», - dedi ol.

Premer-Mınıstr sonymen qatar Semeı men Óskemen qalalaryn Barnaýyldyń gaz taratý júıesine qosý nusqasy da qarastyrylyp otyrǵandyǵyn aıtty.

«Bul eki joba boıynsha da tıisti jumystar júrgizilip jatyr. 2020 jyldyń 1-toqsanynda bizde naqty túsinik bolady. Sodan keıin depýtattyq korpýsty qandaı sheshim qabyldanǵandyǵy týraly habarlandyramyz», - dedi Asqar Mamın.