Sılvıo Berlýskonı mıtıngide óz jaqtastarynyń biriniń soqqysyna ushyrady
ASTANA. Jeltoqsannyń 14-i. QazAqparat - Italııa Premer-Mınıstri Sılvıo Berlýskonı óz jaqtastarynyń mıtıngisinde shabýylǵa ushyrady.
Taıaq jep, murny buzylǵan úkimet basshysy dereý aýrýhanaǵa jetkizildi, dep habarlaıdy RBK agenttigi.
Reıter agenttiginiń habarlaýynsha, oqıǵa Mılanda mıtıng kezinde oryn alǵan. Sóz sóılep bolǵannan keıin, Berlýskonı óz jaqtaýshylarynyń ortasyna kirip, avtograf tarata bastaıdy. Kenetten qolyna shaǵyn músin ustaǵan belgisiz bireý S.Berlýskonıdiń betinen urady.
Shabýyl jasaýshy ustalǵan, al Berlýskonıdi aýrýhanaǵa jatqyzýǵa týra kelgen. Oqıǵa saldarynan premerdiń erni jyrtylyp, eki tisi synǵan. Aýrýhanada anyqtalǵandaı, premerdiń murny da synǵan.
Shabýyl jasaýshy buryn sottalǵan 42 jastaǵy Massımor Tartalıa degen azamat bolyp shyqty. Ony polıtsııa alyp ketti. M.Tartalıanyń shabýyl jasaýyna ne sebep bolǵany ázirge belgisiz, tek onyń buryn psıhıatrdyń baqylaýynda bolǵany aıtylýda.
S.Berlýskonıdiń saıasaty Italııada kóptegen daý-janjal týǵyzyp otyrǵanyn aıta ketý kerek. Solshyldardyń pikirinshe, Italııa Berlýskonıdiń basshylyǵymen avtorıtarlyq rejimge aýyp barady.
