Sılvıo Berlýskonı Italııa premer-mınıstri laýazymy úshin qaıta talasyp kórmek
ASTANA. 14 sáýir. QazAqparat - Eger Italııada kezekten tys parlamenttik saılaý ótetin bolsa, Sılvıo Berlýskonı premer-mınıstr laýazymy úshin kandıdattyqqa qaıta túsetin bolady.
Bul týraly saıasatker Barı qalasynda óziniń jaqtastarymen kezdesýi barysynda málim etti, dep jazady RBK.
«Biz jańa saılaýlarǵa daıynbyz, men «Bostandyq adamdary» partııasyna basshylyq etemin jáne premer-mınıstr laýazymyna kandıdat bolamyn», - dep keltiredi saıasatkerdiń sózin agenttik.
Eske salaıyq, Italııada jańa parlament eki aı boıy úkimetti jasaqtaı almaýda. Partııalar kóptegen kelispeýshilikterge baılanysty bir mámilege kele almaýda. Analıtıkter jańa saılaýlardyń ótkizilýin joqqa shyǵarmaıdy.
Qoǵamdyq pikirdi bilý úshin ótkizilgen saýalnama S.Berlýskonıdiń jaqtastary artyp kele jatqanyn kórsetedi. Jańa parlamenttik saılaýlar ótýi múmkin data retinde 2013 jyldyń maýsymy atalýda.
Qazirgi ýaqytta S.Berlýskonı Rýbıgeıt ataýyna ıe bolǵan daý-damaıǵa baılanysty qylmystyq is boıynsha aıyptalýshy retinde ótýde. Saıasatkerge Italııa aýmaǵynda zańsyz bolǵan Rýbı esimdi kámeletke tolmaǵan marokkandyq jezóksheniń qyzmetin zańsyz paıdalandy jáne ony 2012 jyldyń basynda polıtsııa bólimshesinen zańsyz shyǵaryp aldy degen aıyp taǵylýda. Eks premer-mınıstr kináli dep tanylǵan jaǵdaıda, ol 15 jylǵa bas bostandyǵynan aıyrylady.
Buǵan deıin S.Berlýskonı salyqtyq astyrtyn áreketter úshin isti boldy. Saıasatker apellıatsııaǵa berdi, ol boıynsha sheshim 20 sáýirde qabyldanatyn bolady.
