Sılvestr Stallone beınesi ejelgi freskadan tabyldy
ASTANA. 15 mamyr. QazAqparat - Entonı Zenfrell esimdi amerıkalyq stýdent Vatıkandaǵy Apostol saraıyndaǵy Rafaeldiń salǵan freskalarynan Sılvester Stalloneniń beınesin kórip qaıran qaldy, dep jazady BAQ.KZ.
The Daily Mail-dyń jazýynsha, 20 jasar stýdent bul jaıtqa januıasymen Italııa men Vatıkanǵa demalyp, saıahattaýǵa kelgende kýá bolypty. Entonıge bul uqsastyq týraly nemereles týysqany aıtqan kórinedi. Osydan soń ol Apostol saraıyna baryp, keremetti kózimen kórip qaıtqan.
Ol túsirgen sýretterin sapardan orala salysymen ınternetke jarııalaǵan. Fotolardyń tanymaldylyǵy artqany sonsha, kórýshilerdiń sany bir aıda 700 myńǵa jetipti.
"Kardınal ı Bıbleıskıe Dobrodetelı" freskasyn Rafaello Santı 1511 jyly jasaǵan. Degenmen, Rafael tek eskızderdi jasap, freskanyń ózin onyń kómekshisi jasaǵan degen boljam da bar.
