Sıqyrly transformatsııanyń has sheberi Altynaı Baıtoqanova ómirden ozdy
ASTANA. 30 naýryz. QazAqparat - Búgin túnde Almatyda tanymal qazaqstandyq sıqyrly transformatsııa sheberi, «31-shi telearna» jýrnalısi Altynaı Baıtoqanova ómiren ozdy.
Bul jaıynda qazaqstandyq ártister Tvıtterde jazdy.
Tanymal sıqyrshy Almaty qalasyndaǵy 12-shi qalalyq aýrýhanada kóz jumǵan. «NTK» telearnasyndaǵy «VÝZery» serıalynyń prodıýseri Aqylbek Dosjanov óz mıkroblogynda jazǵanyndaı, A.Baıtoqanovamen baquldasý sharasy sol aýrýhanada 13:00-de ótedi.
«31-shi telearnanyń» jazýynsha, «Sıqyr áleminiń» qyr-syryna qanyqqansha ol eden jýýshy, jaryq berýshi jáne tsırk menedjeri bolyp eńbek etken. Al, Máskeýde sıqyrshylyq ónerin meńgerý úshin ol jalǵyz páterin satýǵa májbúr boldy. Degenmen, ol eń bastysy- kásibı mamanǵa aınaldy. Altynaı álemdegi eń myqty sıqyrshylar ondyǵynyń qatarynda. Onyń ónerin Shveıtsarııa, Grekııa, Italııa, Polsha, Túrkııa, Qytaı jáne ózge de kóptegen elderde kórermender yqylaspen tamashalady. Al, Qytaıda ótken sıqyrshylardyń Halyqaralyq festıvalinde Altynaı Bas júldeni jeńip aldy. Jalpy, ol kórsetken kórinister shyn máninde naǵyz sıqyrǵa toly. Ol sahnadaǵy 7 mınýt ishinde 14 kóılek aýystyryp úlgeretin. Altynaı bul ýaqyt ishinde ózin túrli keıipte kórsetedi.
