Sıyr men qoı satyp alatyndarǵa 5 paıyzdyq nesıe beriledi

ASTANA. KAZINFORM — Eldegi et baǵytyndaǵy iri qara men usaq maldyń sanyn ósirý úshin 5 paıyzdyq nesıe berý bastalady. Bul týraly Aýyl sharýashylyǵy mınıstri Aıdarbek Saparov Úkimet otyrysynda málim etti.

— Mal sharýashylyǵynyń et baǵyty boıynsha asyl tuqymdy iri qara men usaq mal satyp alýǵa jeńildetilgen nesıeleý baǵdarlamasy iske qosylady. Jyldyq mólsherlemesi 5%-dan aspaıtyn «uzaq merzimdi» nesıeler usynylady. Qarjylandyrýǵa degen qajettilik — 50 mlrd teńge. Budan bólek 50 mlrd teńge aınalym qarajatyn qarjylandyrý baǵdarlamasy iske qosýǵa baǵyttalady. Onyń da jyldyq mólsherleme 5%-dan aspaıdy, — dedi Aıdarbek Saparov.

Sondaı-aq, ol sút ónimderiniń ımportyn azaıtý úshin Soltústik Qazaqstan oblysnyyń tájirıbesin respýblıka aýmaǵyna taratý kózdelip otyrǵanyn aıtty. Bul tájirıbe boıynsha «elochka», «karýsel», «parallel» sııaqty saýyn tehnologııasy men robottandyrylǵan júıe engizýge jyldyq mólsherlemesi 2,5% nesıe berilmek.

Buǵan deıin Qazaqstanda aýyl sharýashylyǵyn tsıfrlandyrý qalaı júrip jatqanyna sholý jasaǵan edik.