Sıyr eti eksportyna qoıylǵan shekteý jeńildeýi múmkin — mınıstr
ASTANA. KAZINFORM — QR Aýyl sharýashylyǵy mınıstri Aıdarbek Saparov 2025 jyldyń 31 jeltoqsanynan bastap engizilgen sıyr eti eksportyna qoıylǵan shekteýlerdi jumsartý múmkindigi týraly pikir bildirdi.
Mınıstrdiń aıtýynsha, vedomstvoaralyq komıssııaǵa mal basyn esepteıtin shekteýdi 5 000 bastan 500 basqa deıin tómendetý týraly hat joldanǵan. Bul tolyq tsıklmen jumys isteıtin et kombınattaryna qatysty.
— Qazir komıssııa otyrysynyń nátıjesin kútip otyrmyz. Nátıje shyqqan soń fermerlerge tolyq aqparat beriledi, — dedi Aıdarbek Saparov Qazaqstan Úkimeti otyrysynyń qorytyndysy boıynsha ótken baspasóz konferentsııasynda.
Eger komıssııa oń sheshim qabyldasa, shekteýler otyrys ótkennen keıin 10-15 kún ishinde jumsartylýy múmkin.
Buǵan deıin mınıstr eldegi et baǵasy qansha bolýy kerek degen suraqqa jaýap bergen edi.