Sıgerý Isıba Japonııanyń jańa premer-mınıstri boldy

ASTANA.KAZINFORM – Japonııanyń basqarýshy lıberaldy-demokratııalyq partııasynyń (LDP) tóraǵasy Sıgerý Isıba eldiń 102-shi premer-mınıstri bolyp saılandy. Negizgi tómengi palatada daýys berý qorytyndysy boıynsha Isıba 465-ten 291 daýys aldy, dep jazady TASS.

Konstıtýtsııalyq demokratııalyq partııanyń jetekshisi Esıhıko Noda 100 daýys jınady.

Qazirgi ýaqytta Isıbanyń kandıdatýrasy úshin daýys berý parlamenttiń joǵarǵy palatasynda da ótip jatyr. Onda LDP basqarýshy koalıtsııasy jáne «Komeıto» partııasy basymdyqqa ıe, biraq tómengi palatanyń sheshimi sheshýshi ról atqarady.

4 qazanda Isıba men negizgi mınıstrler parlamentte baıandama jasaıdy. Al 9 qazanda onyń tómengi palatasy 27 qazanda merziminen buryn saılaý ótkizý úshin taratylady. Isıba bul jospardy 30 qyrkúıekte LDP jańa basshylyǵyn tanystyra otyryp jarııalady. Ol premer-mınıstr bolyp saılanbaı turyp-aq aıtqan bul málimdeme oppozıtsııanyń Isıbany konstıtýtsııany buzdy dep aıyptaýyna sebep boldy.

Buǵan deıin 27 qyrkúıekte Japonııanyń Lıberaldy-demokratııalyq partııasynyń (LDP) tóraǵasy saılaýynda 67 jastaǵy Isıba Sıgerý jeńiske jetkenin habarlaǵan bolatynbyz.