Sıdneıdegi tennısten halyqaralyq týrnırde M.Kýkýshkın fınalǵa shyqty
ASTANA. QazAqparat - Avstralııanyń Sıdneı qalasynda ótip jatqan tennısten halyqaralyq týrnırde qazaqstandyq Mıhaıl Kýkýshkın fınalǵa shyqty.
Chempıonat.kom saıtynan alynǵan málimetke qaraǵanda, M.Kýkýshkın jartylaı fınalda álemniń 28-inshi raketkasy, argentınalyq Leonardo Maıerdi 6:4, 6:4 esebimen utty. Endi qazaqstandyq tennısshi fınalda Lıýksembýrg eliniń ókili Jıl Mıýller nemese serbııalyq Vıktor Troıtskıdiń birimen chempıondyq ataq úshin talasady.
Aıta keteıik, Sıdneı týrnıriniń júlde qory - 494,310 myń AQSh dollary.
