Sıdneıdegi shabýyl: Aza tutýǵa baılanysty keıbir Rojdestvolyq sharalar bolmaıdy

ASTANA.KAZINFORM — Sıdneıde Rojdestvony toılaýǵa shekteý qoıyldy. Barlyq is-sharalar 21 jeltoqsanǵa deıin toqtatylady, dep habarlaıdy Report.

Bondı-Bıchtegi shabýyl qurbandaryna qurmet pen evreı qaýymdastyǵymen yntymaqtyń belgisi retinde búkil qala boıynsha Rojdestvolyq shamdar aq gırlıandalarǵa aýystyrylady. Alańdarǵa qoıylǵan shyrshalarda shamdar jaǵylmaıdy. Sondaı-aq dybystyq shoýlar uıymdastyrylmaıdy. «Qaladaǵy Rojdestvolyq ánder» baǵdarlamasy bir aptaǵa keıinge shegerildi.

Sonymen qatar Sıdneıdiń Darlıng Harborynda Rojdestvolyq otshashýlardyń keıbiri toqtatylǵan.

Aıta keteıik, Hanýkka merekesin toılaý kezinde Sıdneı jaǵajaıynda atys boldy.

Terakt saldarynan qaza tapqandar sany jıyrmaǵa jýyqtap, aýrýhanalarǵa jaralanǵan 40 adam jetkizildi. 

Bul lańkestikti ákesi men balasy uıymdastyrǵany anyqtaldy. Bul týraly Avstralııanyń Jańa Ońtústik Ýels shtaty polıtsııasynyń komıssary Mal Lenon málimdedi.