Sıdneıde Olımpıada oıyndary ótken stadıon órtendi
ASTANA. QazAqparat - Avstralııalyq Sıdneıde Olımpıada saıabaǵynda 2000 jyly jazǵy Olımpıada oıyndary ótken stadıonda iri órt oryn aldy, dep habarlady News.com.au. portaly.
Jergilikti órt qyzmetine saıabaqta ornalasqan Monster Skatepark alańyn órt sharpyǵanǵa deıin «qatty tarsyl» týraly habarlama túsken. Kýágerlerdiń biri "Avstralııa" (ANZ Stadium) stadıonynyń shatyrynda jumys istep jatqan qurylysshylardyń «adamdardy shyǵarý úshin» órtke oranǵan ǵımaratqa qaraı japa-tarmaǵaı júgirgenderin aıtty. Kórshi sport alańdaryndaǵy jandar shuǵyl evakýatsııalandy.
Órt qyzmeti óz Twitter-inde oqıǵa ornynda 80 órt sóndirýshi bolǵanyn, jalyndy aýyzdyqtaǵanyn jetkizdi.
