Sıdneıde 79 jyldan keıin alǵash ret 47 gradýs ystyq boldy
ASTANA. QazAqparat - Jeksenbi kúni Avstralııanyń iri qalalarynyń biri Sıdneıde aýa temperatýrasy 79 jyldan beri alǵash ret 47 gradýstan asty. Bul týraly VVS habarlaıdy.
Bılik qaýipsizdikti saqtaý maqsatynda turǵyndarǵa alaý jaǵýǵa, káýap pisirýge tyıym saldy. Vıktorııa jáne Ońtústik Avstralııa shtattarynda birneshe úıde órt bolǵan.
Aýa temperatýrasy 1939 jylǵy rekordqa (47,8 gradýs) jaqyndap, synap baǵany 47,3 gradýsty kórsetti. Erekshe ystyq aýa raıy saldarynan Jańa Ońtústik Ýels shtatynda 7000-ǵa jýyq úı elektr jaryǵynsyz qaldy, dep jazady Sydney Morning Herald.
Budan tys, krıketten Avstralııa jáne Anglııa arasyndaǵy halyqaralyq match, tennıs týrnırleri keıinge shegerildi.
