Sıdneı mańynda sý astynda qalǵan janartaý tizbegi tabyldy
ASTANA. QazAqparat - Ǵalymdar Sıdneı mańynda muhıt túbinde qalǵan tórt janartaý tizbegin tapqanyn habarlady.
Ǵalymdar ótken aıda omar dernásilderin izdeý kezinde Sıdneı jaǵalaýynan 250 shaqyrym jerde 4 sóngen janartaýdy anyqtaǵan. Bul jańalyq ǵalymdarǵa Avstralııa men Jańa Zelandııa arasyndaǵy muhıt qupııalaryn ashýǵa septigin tıgizedi. Bul týraly Phys.org habarlady.
Avstralııa ulttyq ýnıversıtetiniń janartaýlar boıynsha sarapshysy Rıchard Arkýlýs shamamen 20 shaqyrym qashyqtyqta ornalasqan janartaýlar joǵary mantııaǵa (jer asty qabaty) degen naǵyz tereze ekenin aıtty.
«Olar 40- 80 mln jyl buryn Jańa Zelandııa men Avstralııanyń bólinýi tarıhynyń bir bóligin kórsetedi jáne qazir ǵalymdarǵa jer qyrtysynyń qupııalaryn bilý úshin teńiz túbin zertteýge kómektesedi», - dedi ol.
