Sıdneı qalasynyń polıtsııasy bomba baılanǵan qyzdy ustaýda
ASTANA. 3 tamyz. QazAqparat - Avstralııanyń Sıdneı qalasynda polıtsııa ózin-ózi jaryp jiberemin dep turǵan 18 jastaǵy qyzben kelissóz júrgizýde, dep habarlaıdy RBK agenttigi.
Boıjetkenniń jergilikti turǵyn ekeni anyqtalyp jatyr, alaıda ol naqty qandaı talap bildirip otyrǵandyǵy týraly anyq aqparat joq. Jarylǵysh zat qyzdyń moınyna baılanǵan.
The Telegraph basylymynyń aqparaty boıynsha, qyz basqa bireýlerdiń qurbany bolýy múmkin. Bombaǵa naqty mazmuny belgisiz hat japsyrylǵan. Bomba baılanǵan qyz osy qalanyń eń baı ári bedeldi otbasylardyń biriniń múshesi ekeni belgili.
BAQ-tarda jarylǵysh zatty qyz ózine ózi baılamaǵan dep jazylýda.
Oqıǵa ornyna tez arada polıtsııa men saperler shaqyryldy. Quqyq qorǵaýshylar jaqyn jerdegi úılerdiń turǵyndaryn qaýipsiz jerge kóshirip, alańdy qorshaýǵa alǵan.
