Sıdneı Djeksondy eske túsirýge arnalǵan halyqaralyq týrnırde qazaqstandyqtar 3 kúmis, 2 qola medal oljalady
ALMATY. 27 sáýir. QazAqparat /Erlik Erjanuly/ - Tashkentte bokstan Sıdneı Djeksondy eske túsirýge arnalǵan dástúrli halyqaralyq týrnır ótti.
Onda el namysyn 7 sportshy qorǵaǵan edi. Olardyń arasynan Aıdar Ámirzaqov (60 kg), Aıdar Sháribaev (64 kg) pen Rýstam Sybaev (69 kg) kúmis, al Dáýren Eleýsinov (75 kg) pen Danııar Ústembaev (91 kg) qola júldeger atandy. Aqtyq synda Aıdar Ámirzaqov pen Rýstam Sybaev jarys qojaıyndaryna, al Aıdar Sháribaev reseılik boksshyǵa ese jiberdi. Jarys qorytyndysynda beıresmı komandalyq esepte 6 altyn oljalaǵan alań qojaıyndarynyń mereıi ústem boldy. Odan keıingi oryndy bir-bir altyn enshilegen Reseı men Fılıppın boksshylary ıelendi.
