Sıtsılııada sý tasqynynyń saldarynan 10 adam mert boldy
ASTANA. QazAqparat - Italııanyń Sıtsılııasyndaǵy Palermo ortalyǵynda nóser jaýynnyń saldarynan bolǵan sý tasqynynan keminde 10 adam mert boldy. Olardyń arasynda 3 sábı bar, dep habarlaıdy TASS agenttigi.
Agenttiktiń málimetterinshe, mert bolǵan 10 adamnyń 9-y bir otbasynyń músheleri. Olardyń deneleri Kasteldachcha kommýnasyndaǵy ózenniń jaǵalaýynan tabyldy.
Polıtsııa qyzmetkerleri iz-túzsiz ketken taǵy eki adamdy izdestirýde.
Bul óńirde bolyp jatqan birinshi sý tasqyny emes. 19 qazanda ANSA agenttigi Sıtsılııada nóser jaýynnyń saldarynan sý tasqyny bolǵanyn habarlaǵan edi.
Italııalyq fermerler qaýymdastyǵynyń aqparattary boıynsha, sý tasqyny aýyl sharýashylyǵy kesheni men onyń ınfraqurylymyna jáne fermelerge jarty mıllıon eýro shyǵyn keltirgen.
Kóptegen sharýalar tsırýstyq jáne kókónis ónimderinen aıyrylyp qaldy.
Tamyz aıynyń sońynda Apennın aımaǵynyń ońtústik-batysyndaǵy Kalabrııa oblysynda nóser jaýynnan soń seń júrip, 11 adam mert boldy.
