Sıtsılııa turǵyny birýaqytta koronavırýs, maımyl sheshegi jáne AITV juqtyrǵan

NUR-SULTAN. QazAqparat – Úsh ınfektsııany birden juqtyrǵan ıtalııalyqtyń aldymen dene qyzýy kóterilip, bas aýrýy jáne tamaq qabynýy sııaqty belgiler mazalaǵan. Bul týraly COVID-19 taralýyna jol bermeý jónindegi vedomstvoaralyq komıssııa jarııalady, dep habarlaıdy QazAqparat.

VAK málimetinshe, 36 jastaǵy er adam Madrıdte birneshe kún bolyp, Palermoǵa oralady. Kóp uzamaı onyń dene qyzýy kóterilip, bas aýrýy jáne tamaq qabynýy sııaqty belgiler paıda bolady. Koronavırýs synaǵy atalǵan dertti juqtyrǵanyn rastaıdy.

«Er adamnyń denesinde maımyl sheshegine tán bórtpe paıda bola bastaıdy. Júrgizilgen taldaýlardan keıin bul aýrý da rastalady. Italııalyqtyń qorǵalmaǵan gomoseksýaldyq baılanysy bar ekeni belgili bolǵan kezde, oǵan AITV-ǵa taldaý jasalady. Bul dertti de juqtyrǵany anyqtaldy», - dep jazylǵan habarlamada.

Foto: cloudfront-eu-central-1.images.arcpublishing.com