Sibirge sý tasqynynyń ekinshi tolqyny keldi – 475 úı sý astynda qaldy
IRKÝTSK. TASS-QazAqparat – Reseıdiń Irkýtsk oblysynda tolassyz jaýǵan nóserden keıin 27 shildede bastalǵan sý tasqyny 20 eldi mekendegi 475 úıdi shaıyp ketti, dep habarlaıdy «QazAqparat» HAA TASS agenttigine silteme jasap.
«Oblystyń segiz aýdanyn sý basty. 20 eldi mekendegi 475 úı sý astynda qaldy. Onda turatyn 2 myń 699 adam, sonyń ishinde 653 bala zardap shekti. Budan tys, 657 úıdiń aýlasy, áleýmettik mańyzy bar eki nysan, bir avtomobıl kópiri, avtojoldardyń úsh ýchaskesin de sý basqan», - dep málimdedi TJM óńirlik bas basqarmasynyń baspasóz qyzmeti.
Nóser saldarynan Kıreı, Iıa, Olha, Katarjanka, Solzan, Harlahta, Oka, Toısýk jáne Horka ózenderiniń sý deńgeıi kóterilgen.
Iıa ózeniniń eń kóp zardap shekken Týlýn qalasynyń mańyndaǵy bóliginde sý deńgeıi 9,9 m jetken, al shektik meje 7 m bolatyn.
Aıta keteıik, tasqynnyń alǵashqy tolqynynda Iıa ózeniniń deńgeıi 13 metrge jetken. Sol kezde 887 turǵyn úı sý astynda qalyp, 835 adam evakýatsııalanǵan edi.
