Sibirden totyqustardyń belgisiz túrin anyqtady
ASTANA. QazAqparat - Reseılik paleontologtar toby Baıkal kóliniń aralynda kóne totyqustardyń súıekterin tapty. Baıandama Biology Letters jornalynda jarııalandy, dep habarlady Lenta.rý.
Zertteýshiler Olhon baıkaldyq aralynda Tagaı ken ornyndaǵy qazba jumystary kezinde súıekterdi tapty. Olardyń jasy shamamen 16-dan 18 mıllıon jylǵa baǵalandy. Ǵalymdar saýsaq pen jilinshikti qosatyn súıekterdiń synyǵyn ǵana tapty.
«Ókinishke qaraı, súıekter durys saqtalmaǵan. Sondyqtan qazir ol totyqustyń súıegi dep qana aıta alamyn. Ol kishkentaı bolǵan. Budan artyq aqparatty ázirge bilmeımiz», - dedi RǴA Paleontologııalyq ınstıtýt qyzmetkeri Nıkıta Zelenov International Business Times basylymyna.
Osyǵan deıin ǵalymdar totyqustardyń súıekterin tappaǵan. Sondyqtan olar Soltústik Eýrazııada mekendemegen dep oılaǵan. Totyqustar Avstralııadan Afrıkaǵa jáne Soltústik Amerıkaǵa ushqanda Sibirge túsýi múmkin. Osylaısha Olhon araly qustarǵa arnalǵan toqtaıtyn oryn bolýy múmkin.
