Sibirde shaǵyn dınozavrlar mekeni tabyldy
ASTANA. QazAqparat - Tomsk memlekettik ýnıversıtetiniń paleontologtary Krasnoıar ólkesi aýmaǵynda Úlken Kemchýg ózeni mańynan uzyndyǵy 1 metrdeı shaǵyn dınozavrlardyń súıekterin tapty. Bul týraly JOO baspasóz qyzmeti habarlady, dep jazady TASS.
«100 mln jyl burynǵy degen boljam bar. Batys Sibirdiń ońtústik-shyǵysynda iri jyrtqysh dınozavrlar tirshilik etken. Bıiktigi úsh metrge deıin allozavr nemese iri dromeozavrıd bolýy múmkin. Olardyń ómir súrgeni jaıly dálel tapqymyz kelgen. Al bıyl boıy bir metr shaǵyn dınozavrlardyń súıekteri tabylýda», - degen zerthana qyzmetkeri Stepan Ivantsovtyń sózin keltirdi baspasóz qyzmeti.
Osyǵan oraı ǵalymdarda eki boljam týyndady. «Olar shaǵyn jyrtqysh dınozavrlar mekenin tapty nemese sol ejelgi kesirtkeler sol jerde jumyrtqalaǵan bolýy múmkin, ǵalymdar jas dınozavrlardyń tasqa aınalǵan súıekterin tapty», dep atap ótedi ýnıversıtette.
Ǵalymnyń aıtýynsha, Batys Sibirde 100-130 mln jyl buryn tirshilik etken psıttakozavrlardyń súıekteri jıi kezdesedi. Ony ǵalymdar zerthanada zerdelemek.
