Sibirde órtengen orman aýmaǵy mıllıon gektarǵa jetti
NUR-SULTAN. QazAqparat – Reseıdiń Krasnoıar ólkesi men Irkýtsk oblysynda mıllıon gektar orman janyp jatyr. Bul týraly aqparat «Orman órtin sóndirý ortalyǵy» men Irkýtsk oblystyq TJM MM saıtynda jarııalandy, dep habarlaıdy QazAqparat.
Krasnoıar ólkesinde 22 shilde kúni tańerteń 656 myń gektar aýmaqta 102 órt bolǵan. Irkýtsk oblysynda 262 myń gektar jerde 100 órt shyqqan.
Vedomstvolardyń aqparaty boıynsha, órt baqylaýǵa alynǵan. Odan shyqqan tútin basqa aýdandar men óńirlerge tarap jatyr.
Krasnoıar ólkesinde órtke baılanysty Kemerovte «qara aspan» rejimi engizildi. Aımaqta tútinge baılanysty jol kórinbeı qalǵan.
Novosibir oblysynda TJM-ge Krasnoıar ólkesinde órttiń shyǵýy saldarynan tútinge 700 adam shaǵym túsirgen.
Tútin kórshi óńirlerge – Novosibir, Tomsk oblystary men Hakasııa Respýblıkasyna tarap jatyr.
