Sibirde kúnniń ysýy saldarynan ormandar órtenip jatyr
ASTANA. QazAqparat - Senbiden jeksenbige qaraǵan túni Býrıatııa ormandaryndaǵy órttiń aýqymy keńeıe tústi. Sibir aýmaǵynda myńdaǵan gektar jerdegi ormandar men aýyldar órt qushaǵynda jatyr, dep habarlady búgin Vestı.rý.
Tótenshe jaǵdaılar rejımi federaldyq okrýgtiń barlyq aımaǵynda jarııalandy. Osy ýaqytta Býrıatııamen qatar, Irkýstk oblysy men Baıkal aımaǵy jáne Karanoıar ólkesi de otqa oranǵan. Munda onsyz da qıyn jaǵdaıdy aýa raıy odan saıyn kúrdelendire túsýde. Kúshti jel men sáýir aıy úshin erekshe jaǵdaı bolyp otyrǵan aýa raıynyń 30 gradýstan joǵarylaýy jaǵdaıdy odan saıyn ýshyqtyrýda. Jalyn qazir aýyldyq aımaqtardy bylaı qoıǵanda kásiporyndardy «jalmaı» bastady. Júzdegen adamdar baspanasyz qalyp jatyr.
Órtten ásirese RF Irkýtsk oblysynyń turǵyndary qatty zardap shekti. Munda birneshe aýyl mine, 3-4 kúnnen beri tútinnen kóz asha almaı otyr. Ótken táýlikterde ǵana ǵarysh monıtorıngi arqyly órttiń 70-ten astam oshaqtary anyqtaldy. Jeldiń kúshti bolyp turǵanynan qaramastan órt sóndirýshiler jalyn tónip kelgen 30-dan astam eldi mekendi aman alyp qaldy. Oqıǵa ornyna jetken RF Tótenshe jaǵdaılar mınıstrliginiń ókilderi alǵashqy ushyrylymdaryn jasap ta úlgerdi. Be-200 amfıbııa ushaqtary aımaqtaǵy ózender men kólderden sý ala almaı otyr. Óıtkeni olardyń kópshiligindegi muzdar áli erimegen.
Reseıdiń TJM basshysy Vladımır Pýchkov Irkýtsk oblysy men kórshiles Býrıatııadaǵy órtten qatty zardap shekken aımaqtarda boldy. Óńirde órtten zardap shegýshilerdi baspanamen qamtamsyz etý jónindegi josparlar qurylýda.
