Sibirde 3 myń gektardan astam orman otqa orandy
ASTANA. 6 qazan. Qazaqparat - Sibirde órt sharpyǵan orman aýmaǵy 3,36 myń gektarǵa jetti, órt oshaǵy 48 jerde tirkelgen, dep habarlady Tótenshe jaǵdaılar mınıstrliginiń Sibir ortalyǵy.
Vedomstvonyń málimetteri boıynsha, 48 órt oshaǵynyń 2,403 myń gektardy quraıtyn 27-sinde jalyn sóndirilgen, Bir táýlikte ǵana órt jalyny 820 gektarǵa ulǵaıǵan.
Órt oqıǵalary Zabaıkalede, Irkýtsk oblysynda, Býrıatııada, Krasnodar ólkesi men Tývada tirkelgen. Zabaıkale ólkesinde tótenshe jaǵdaı rejımi jalǵasýda, munda segiz aýdanda 2325 gektar alqapta 23 orman órtteri tirkelip otyr. Bir táýlikte onyń kólemi myń gektarǵa jýyq ulǵaıǵan.
Aımaqtaǵy órtterdi sóndirýge 718 adam jáne 156 birlik tehnıka, adamdar men júkterdi jetkizetin TJM-nyń 4 tikushaǵy jumyldyrylǵan. Orman órtteri jaılaǵan aýmaqtarǵa kúshterdi jumyldyrýdy odan ári kóbeıtý sharalary júrgizilýde.
TJM Sibir ortalyǵynyń habarlaýynsha, ormandarda órt qaýipsizdigine reıdter júrgizilip, bir táýliktiń ózinde ǵana 12 ákimshilik hattama toltyryldy. Ormandarǵa joldardy jabý jáne jaǵdaıǵa monıtorıng jasaý úshin 716 beketter qoıyldy.
