Sibir jarasy kezinde qoldanylǵan vaktsına Eýropaǵa saraptamaǵa jiberildi

ASTANA. QazAqparat - QR Aýyl sharýashylyǵy mınıstrligi Qazaqstanda sibir jarasyna qarsy qoldanylǵan vaktsına Eýropaǵa saraptamaǵa jiberildi. Bul týraly «QazAqparat» tilshisine bergen resmı jaýabynda QR AShM málim etti.

Vedomstovnyń habarlaýynsha, túınemege qarsy egilgen vaktsınanyń sapasyn endi eýropalyq mamandar tekseredi.

Mınıstrliktiń málim etkenindeı, 2016 jyly kóktem basynda barlyq óńirlerde sibir jarasyna qarsy vaktsına egý 100 paıyz atqarylǵan kórinedi. 

«Vaktsınalar elge jetkizilgen kezde, ony ekpes buryn Ulttyq referenttik ortalyǵy onyń sapasyn jiti tekserýden ótkizedi. Vaktsına jetkizýsheleri onyń pasporty men sapa sertıfıkatyn usynady», - delingen habarlamada.

Zertteý nátıjesi kórsetkenindeı, atalmysh vaktsına barlyq talaptarǵa saı bolyp shyqty. Sonymen qatar vaktsınalardyń sapasyn anyqtaý maqsatynda onyń úlgileri RF jáne Eýropaǵa joldandy.