Sibir sýlaryn Ortalyq Azııa aımaǵyna jiberý máseleleri Qazaqstanda talqylanady
ASTANA. Qazannyń 22-si. QazAqparat /Arman Asqarov/ - Kelesi jyldyń basynda Eýrazııa ulttyq ýnıversıtetinde Sibir sýlaryn Ortalyq Azııa aımaǵyna jiberý máselelerine arnalǵan halyqaralyq konferentsııa ótedi.
Bul týraly atalǵan ýnıversıtettiń rektory Baqytjan Ábdiraıym málim etti, dep habarlaıdy QazAqparat.
Onyń aıtýynsha, konferentsııaǵa kóptegen sheteldik jáne otandyq ǵalymdar, Keńes Odaǵy kezinde kóterilgen osynaý halyqaralyq jobanyń jaqtaýshysy, Máskeý meri ıÝrıı Lýjkov qatysady. «Konferentsııa kezinde osy halyqaralyq bastamanyń áleýmettik-ekonomıkalyq jáne quqyqtyq aspektileri talqylanady», deıdi B.Ábdiraıym.
Aıta keteıik, jaqynda Reseıde Máskeý meri ıÝrıı Lýjkovtyń «Sý jáne beıbitshilik» atty eńbegi jaryq kórgen bolatyn. Onda avtor búgingi aýyz sý máselesine toqtalyp, Keńes Odaǵy kezinde kóterilgen Sibir sýlaryn Ortalyq Azııa aımaǵyna jiberý jobasyn júzege asyrýdyń mańyzdylyǵy týraly keńinen jazǵan. ıÝ.Lýjkovtyń paıymdaýynsha, osy jobany iske asyrý arqyly Qazaqstanǵa qosymsha 10 mln.tekshe metr aýyz sý jiberýge bolady.
