«Sibir mıssııasy-2018» Qazaqstanǵa jetti
ASTANA. QazAqparat - Búgin QR Ulttyq akademııalyq kitaphanasynda «Sibir Mıssııasy - 2018» ekspedıtsııasynyń qatysýshylary men Qazaqstan halqy Assambleıasy ókilderiniń kezdesti, dep habarlaıdy QazAqparat QR Prezıdenti janyndaǵy «Qoǵamdyq kelisim» RMM-niń baspasóz qyzmetine silteme jasap.
Ekspedıtsııany Lıtva Respýblıkasynyń «ıAýnems» qaıyrymdylyq qory uıymdastyryp otyr.
«Sibir Mıssııasy» - bul Lıtva Respýblıkasy bıliginiń tarapynan qoldaý taýyp, 2006 jyldan beri iske asyrylyp kele jatqan joba. Joba sheńberinde jastardan quralǵan ekspedıtsııa jer aýdarǵan lıtvalyqtardyń zırattaryna barady. Sondaı-aq, jergilikti lıtvalyqtar nemese olardyń urpaqtarymen kezdesedi. Mıssııa músheleri jyl saıyn álem boıynsha deportatsııalanǵan lıtvalyqtardyń qabirlerin aralap, olardy retke keltiredi.
Lıtva halqynyń tarıhyn saqtaý, Lıtva men Qazaqstannyń ortaq tarıhyn túsiný, alǵan áserlerin Lıtva jurtshylyǵymen bólisý, sondaı-aq, Lıtva men Qazaqstan arasyndaǵy mádenı baılanysty nyǵaıtý maqsatynda ekspedıtsııa 19 shildeden bastap bizdiń memlekette boldy.
Ekspedıtsııaǵa qatysýshylar lıtvalyqtardyń Qaraǵandy oblysyndaǵy zırattaryna baryp, sol aımaqtarda turatyn lıtvalyqtarmen kezdesip, jer aýdarǵan lıtvalyqtardyń qabirlerin jóndeýmen aınalysty. Buǵan deıin olar Jezqazǵan jáne Balqash qalalarynda ótken baspasóz-konferentsııalarynda jýrnalısterge ekspedıtsııa qorytyndysy jóninde suhbat berdi.
QR Prezıdenti janyndaǵy «Qoǵamdyq kelisim» RMM qyzmet basshysynyń orynbasary Ádilet Dúısenbıevtiń sózinshe, Lıtva Respýblıkasynan jer aýdarylǵan azamattar týraly aqparat bolmaǵan, sol qıyn-qystaý kezeńde 50 myńnan asa adam kelgen. Maqsattary - solardyń urpaqtarymen kezdesý. Jerlengen jerin tazalap júr, sonymen qatar Qazaqstan men Lıtva arasyndaǵy yqtymaqtastyqty damytý boıynsha kelip otyr.
