Sibir men Qıyr Shyǵysta 100-ge jýyq eldi meken tútinge tunshyǵyp jatyr
MÁSKEÝ. TASS-QazAqparat – Sibirdiń jáne Qıyr Shyǵystyń 93 eldi mekeninde orman órtinen shyqqan tútin seıilmeı tur. Jalpy Reseı Federatsııasynda órttiń 453 oshaǵy bar, dep habarlaıdy TASS agenttigi RF TJM baspasóz qyzmetine silteme jasap.
«Avıalesohrana» federaldyq bıýdjettik mekemesiniń málimetinshe, orman órtiniń 453 oshaǵy áli sóndirilmegen, 28-i aýyzdyqtaldy. ıAkýtııa, Krasnoıar ólkesinde jáne Irkýtski oblysynda áli de jaǵdaı ońalar emes. 93 aýdandy tútin basyp tur», - dedi vedomstvo ókili.
TJM áýe kemeleri bir táýlikte tutaný oshaqtaryna 929 tonna sý jiberdi. 696 adamnan jáne 39 tehnıkadan jerústi aeromobıldik toby jasaqtaldy. Sondaı-aq, Tomsk oblysynan jáne Krasnoıar ólkesinen arnaıy top eldi meken aýmaǵyndaǵy 5 shaqyrymǵa sozylǵan órt oshaǵyn sóndirýge attandy.
