Sybaılas jemqorlyqpen ustalǵandar memlekettik satyp alýǵa qatysa almaıdy
«Memlekettik satyp alý týraly» jańa zań jobasynda sybaılas jemqorlyq táýekelderin azaıtýǵa, tótenshe jaǵdaılardyń aldyn alýǵa baǵyttalǵan erejeler qarastyrylǵan. Bul týraly atalǵan qujatty Májiliste tanystyrý kezinde Qarjy vıtse-mınıstri Dáýren Keńbeıil aıtty, dep habarlaıdy Kazinform.
«Memlekettik satyp alýdy júzege asyrý qaǵıdattarynyń qatarynda sybaılas jemqorlyq quqyq buzý áreketterine, múddeler qaqtyǵysyna jol bermeý qosyldy. Osy rette, áleýetti ónim berýshi, onyń basshysy nemese quryltaıshylary buryn sybaılas jemqorlyq qylmysyn jasasa, onda memelekettik satyp alýlarǵa qatysa almaıdy», - dedi D. Keńbeıil.
Budan buryn habarlanǵandaı, zań jobasy aıasynda satyp alý protsesin retteýdi ońaılatý jáne bıýrokratııadan aryltý maqsatynda shaǵymdardy qaraýdyń jańa tetigin engizý, sondaı-aq baqylaýshy organnyń rólin qaıta qaraý usynylyp otyr.
