Sybaılas jemqorlyqpen kúres: Tamyz aıynda qansha qylmys tirkeldi

ASTANA.KAZINFORM -  QR UQK Sybaılas jemqorlyqqa qarsy qyzmeti tamyz aıynda atqarylǵan jumys nátıjesi týraly jarııalady.

Sybaılas jemqorlyqqa qarsy júıeli kúres sheńberinde QR UQK Sybaılas jemqorlyqqa qarsy is-qımyl qyzmeti tamyz aıynda QR Qylmystyq kodeksiniń kelesi:

- 361-bap (laýazymdyq ókilettikterdi teris paıdalaný) – 4;

- 362-bap (bılikti nemese laýazymdyq ókilettikterdi asyra paıdalaný) - 1;

- 366-bap (para alý) - 17;

- 367-bap (para berý) - 18;

- 368-bap (paraqorlyqqa deldal bolý) - 3;

- 189-bap (senip tapsyrylǵan bóten múlikti ıemdenip alý nemese talan-tarajǵa salý) - 4;

- 190-bap (alaıaqtyq) - 2;

- 369-bap (qyzmettik jalǵandyq jasaý) - 1;

- 433-bap (qylmystyq quqyq buzýshylyqty jasyrý) – 1 baptary boıynsha saralanatyn 51 quqyq buzýshylyq faktisin tirkedi.

Sotqa QR Qylmystyq kodeksiniń:

- 189-bap (senip tapsyrylǵan bóten múlikti ıemdenip alý nemese talan-tarajǵa salý) - 9;

- 190-bap (alaıaqtyq) - 6;

- 366-bap - (para alý) - 6;

- 367-bap (para berý) - 5;

- 368-bap (paraqorlyqqa deldal bolý) - 2;

- 365-bap (zańdy kásipkerlik qyzmetpen aınalysýǵa kedergi jasaý) – 1 baptary boıynsha 29 qylmystyq is jiberildi.

Sybaılas jemqorlyq týraly habarlaǵany úshin 2 adamǵa 730 myń teńge somasynda syıaqy berildi.

Bul baǵyttaǵy jumys jalǵasyp jatyr.

Aıta keteıik, UQK-niń jańa qyzmeti bir aıda sybaılas jemqorlyqqa qatysty 17 qylmystyq is qozǵady.