Sybaılas jemqorlyqqa qarsy is-qımyl ulttyq bıýrosynyń burynǵy basshysy Tatýbaev ustaldy
ASTANA. KAZINFORM — Bas prokýratýra 3 shilde kúni azaptaý boıynsha kúdikke ilingen Sybaılas jemqorlyqqa qarsy is-qımyl ulttyq bıýrosynyń burynǵy basshysy T.M. Tatýbaevty ustaǵanyn habarlady.
— Qazaqstan Respýblıkasy Bas prokýratýrasy 2025 jylǵy 3 shildede Qylmystyq kodekstiń 146-baby 2-bóliginiń 1), 2) tarmaqtarynda kózdelgen qylmysty (azaptaý) jasady degen kúdikpen Sybaılas jemqorlyqqa qarsy is-qımyl ulttyq bıýrosynyń burynǵy basshysy T. M. Tatýbaevty ustaǵanyn habarlaıdy. Qazirgi ýaqytta sotqa deıingi tergep-tekserý jalǵasýda, qosymsha dáleldemelerdi jınaýǵa baǵyttalǵan tergeý áreketteri júrgizilip jatyr, — delingen habarlamada.
Qylmystyq-protsestik kodekstiń 201-babyna sáıkes sotqa deıingi tergep-tekserýdiń ózge derekteri jarııa etilýge jatpaıdy.
Buǵan deıin habarlanǵandaı, Májilis depýtaty Bas prokýratýradan «SQ-Farmatsııa» basshylaryn tergeýdi talap etken bolatyn.