Sybaılas jemqorlyqqa qarsy is-qımyl qyzmeti qaıta quryldy – UQK málimdeme jasady
ASTANA. KAZINFORM – 2025 jylǵy 30 maýsymda Memleket basshysynyń Jarlyǵymen Sybaılas jemqorlyqqa qarsy is-qımyl agenttigi Ulttyq qaýipsizdik komıtetine qosylý arqyly qaıta uıymdastyryldy. Bul týraly Ulttyq qaýipsizdik komıteti habarlaıdy.
— Jańa vedomstvo «Ulttyq qaýipsizdik komıteti Sybaılas jemqorlyqqa qarsy is-qımyl qyzmeti» quryldy. Osyǵan baılanysty komıtette birqatar uıymdastyrýshylyq, basqarýshylyq jáne praktıkalyq is-shara júzege asyrylyp jatyr. Quqyqtar men mindettemelerdiń quqyqtyq mırasqorlyǵy rásimderi aıaqtalǵanǵa deıin qaıta uıymdastyrylǵan vedomstvo burynǵy rejımde jumys isteıdi, — delingen resmı habarlamada.
Aıta ketsek, 30 maýsymda Prezıdenttiń Sybaılas jemqorlyqqa qarsy organdy Ulttyq qaýipsizdik komıtetiniń quramyna ótkizýi týraly Jarlyǵy shyqty.