Sybaılas jemqorlyqqa qarsy is-qımyl agenttigi Qyzylorda oblysy boıynsha departamentiniń jańa basshysy taǵaıyndaldy

QYZYLORDA. KAZINFORM - Sybaılas jemqorlyqqa qarsy is-qımyl agenttigi Qyzylorda oblysy boıynsha departamentiniń jańa basshysy taǵaıyndaldy.

Bul qyzmetke QR Prezıdenti Ákimshiliginiń kelisimimen, Sybaılas jemqorlyqqa qarsy is-qımyl agenttigi tóraǵasynyń buıryǵymen Qýanysh Jumaǵalıuly Ahmetqalıev keldi.

Aımaq basshysy sybaılas jemqorlyqpen kúrestiń mańyzdylyǵyn atap ótip, departamenttiń jańa basshysynyń jumysyna sáttilik tiledi.

Q.Ahmetqalıev 1982 jyly Shyǵys Qazaqstan oblysynda dúnıege kelgen. Qazaq gýmanıtarlyq zań ýnıversıtetinen «Quqyqtaný», Qazaqstan-Amerıka erkin ýnıversıtetinen «Qarjyger» mamandyqtaryn alǵan. «Quqyqtaný» magıstri.

Eńbek jolyn 2005 jyly qarjy polıtsııasy anyqtaý bóliminiń bas ınspektory bolyp bastaǵan. 2005-2018 jyldary Astana qalasynyń qarjy polıtsııasynda jáne Sybaılas jemqorlyqqa qarsy is-qımyl agenttigi Shyǵys Qazaqstan, Aqmola, Qostanaı oblystyq departamentterinde jaýapty qyzmetter atqarǵan.

2018-2019 jyldary Qarjy mınıstrligi Memlekettik kirister jáne Qarjy monıtorıngi komıtetterinde eńbek etken. 2019-2022 jyldary Sybaılas jemqorlyqqa qarsy is-qımyl agenttigi ortalyq apparatynda basshylyq laýazymdarda bolǵan.

2022-2023 jyldary agenttiktiń Jambyl oblysy boıynsha departamenti basshysynyń orynbasary, 2023 jyldyń mamyr aıynan búginge deıin agenttiktiń ortalyq apparatynyń anyqtaý jáne aldyn alý qyzmeti basshysynyń orynbasary laýazymdaryn atqarǵan.

Eske salsaq, budan buryn Qyzylorda oblystyq Básekelestikti qorǵaý jáne damytý departamentiniń basshysy taǵaıyndaldy.