Sybaılas jemqorlyqqa qarsy organ UQK quramyna ótedi – Jarlyq

ASTANA. KAZINFORM -  Qazaqstan Respýblıkasynyń Ulttyq qaýipsizdik komıtetine qosý arqyly Qazaqstan Respýblıkasynyń Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmet) qaıta uıymdastyrylady. Aqorda osy týraly Jarlyq mátinin jarııalady.

Qazaqstan Respýblıkasy Konstıtýtsııasynyń 44-baby 5-tarmaqshasyna sáıkes, memlekettik basqarý júıesiniń tıimdiligin jańǵyrtý jáne arttyrý maqsatynda QAÝLY ETEMІN:

1. Qazaqstan Respýblıkasynyń Ulttyq qaýipsizdik komıtetine qosý arqyly Qazaqstan Respýblıkasynyń Sybaılas jemqorlyqqa qarsy 
   is-qımyl agenttigi (Sybaılas jemqorlyqqa qarsy qyzmet) qaıta uıymdastyrylsyn.
2. Qazaqstan Respýblıkasy Ulttyq qaýipsizdik komıtetiniń vedomstvosy – Qazaqstan Respýblıkasy Ulttyq qaýipsizdik komıtetiniń Sybaılas jemqorlyqqa qarsy is-qımyl qyzmeti (budan ári – Qyzmet) qurylsyn.
3. Qaıta uıymdastyrylǵan Qazaqstan Respýblıkasy Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmettiń) sybaılas jemqorlyqqa qarsy saıasatty qalyptastyrý men iske asyrý, sybaılas jemqorlyqqa qarsy is-qımyl salasyndaǵy úılestirý, sondaı-aq sybaılas jemqorlyq quqyq buzýshylyqtar jasaýǵa yqpal etetin sebepter men jaǵdaılardy barynsha azaıtý, sondaı-aq sybaılas jemqorlyqqa qarsy mádenıetti qalyptastyrý jónindegi fýnktsııalary men ókilettikteri Qazaqstan Respýblıkasy Memlekettik qyzmet isteri agenttigine berilsin.
4. Qazaqstan Respýblıkasy Ulttyq qaýipsizdik komıteti men Qazaqstan Respýblıkasy Memlekettik qyzmet isteri agenttigin beriletin fýnktsııalar men ókilettikterge sáıkes Qazaqstan Respýblıkasy Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmettiń) quqyqtary men mindettemeleriniń quqyqtyq mırasqory bolyp aıqyndalsyn.
5. «Qazaqstan Respýblıkasy Prezıdentiniń Ákimshiligi týraly erejeni bekitý týraly» Qazaqstan Respýblıkasy Prezıdentiniń 2008 jylǵy 11 naýryzdaǵy № 552 Jarlyǵyna mynadaı ózgeris engizilsin: joǵaryda atalǵan Jarlyqpen bekitilgen Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organdardyń tizbesinde: «Qazaqstan Respýblıkasy Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmet)» degen jol alyp tastalsyn.
6. Qazaqstan Respýblıkasy Ulttyq qaýipsizdik komıteti bir aı merzimde Qazaqstan Respýblıkasy Prezıdentiniń qaraýyna:
   1) Qyzmet týraly erejeniń jobasyn;
   2) Qazaqstan Respýblıkasynyń Úkimetimen jáne Qazaqstan Respýblıkasy Memlekettik qyzmet isteri agenttigimen birlesip, qaıta uıymdastyrylǵan Qazaqstan Respýblıkasy Sybaılas jemqorlyqqa qarsy is-qımyl agenttiktiń (Sybaılas jemqorlyqqa qarsy qyzmettiń) beriletin fýnktsııalary men ókilettikterine sáıkes shtat sanyn qaıta bólý jónindegi usynystardy engizsin.
7. Qazaqstan Respýblıkasy Memlekettik qyzmet isteri agenttigi bir aı merzimde Qazaqstan Respýblıkasy Prezıdentiniń qaraýyna Agenttik týraly erejege ózgerister men tolyqtyrýlar engizý týraly Jarlyq jobasyn engizsin.
8. Qazaqstan Respýblıkasy Ulttyq qaýipsizdik komıteti jáne Qazaqstan Respýblıkasy Memlekettik qyzmet isteri agenttigi eki aı merzimde osy Jarlyqty iske asyrý jónindegi ózge de sharalar qabyldasyn.
9. Qazaqstan Respýblıkasynyń Úkimeti 2025 jylǵy 1 qyrkúıekke deıin osy Jarlyqtan týyndaıtyn zań jobasyn ázirlesin jáne Qazaqstan Respýblıkasy Parlamenti Májilisiniń qaraýyna engizsin.
10. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
11. Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń Prezıdenti Q. Toqaev

№927

Aıta ketelik, Memleket basshysy «Qazaqstan Respýblıkasynyń Aýmaqtyq qorǵanys týraly» Zańyna qol qoıǵan edi.