Sybaılas jemqorlyqqa qarsy kúreste eshkimge aıaýshylyq bolmaıdy — Qyrǵyzstan prezıdenti
BІShKEK. KAZINFORM — Qyrǵyzstan prezıdenti Sadyr Japarov sybaılas jemqorlyqqa qarsy kúreste tipti týystaryn da aıamaıtynyn málimdedi, dep habarlaıdy Kazinform agenttiginiń Bishkektegi menshikti tilshisi.
Qyrǵyzstan basshysy sybaılas jemqorlyqqa qarsy saıasatty jalǵastyrý qajettiligin atap ótti.
— Jemqorlyqqa jol joq. Eshkimge aıaýshylyq bolmaıdy. Tipti ózimniń jaqyn týystarymdy da aıamaımyn. Alaıda meniń týystarym men balalarym memlekettik qyzmette jumys istemeıdi, sondyqtan kóńilim tynysh. Jemqor adam kisi óltirýshiden qaýipti. Eger qylmysker bir adamdy óltirse, jemqor tutas memleketti qurtady. Sondyqtan men sizderden jemqorlyqqa qarsy kúreste kómektesýlerińizdi suraımyn. Úkimettegi jemqorlyq jáne qarjy jymqyrý týraly minberden ashyq aıtyńyzdar. Eshkimnen qoryqpańyzdar, men sizderdiń jaǵyńyzda bolamyn, — dedi Qyrǵyzstan Respýblıkasynyń basshysy depýtattarǵa úndeýinde.
Eske sala ketsek, Sadyr Japarov Bishkekte ótken IV Halyqtyq Quryltaıda sóılegen sózinde Qyrǵyzstan sybaılas jemqorlyq pen uıymdasqan qylmysqa qarsy kúresetinin málimdedi.
