Sybaılas jemqorlyqqa qarsy qyzmet alaıaqtardan saq bolýǵa shaqyrdy
ASTANA. KAZINFORM – Sybaılas jemqorlyqqa qarsy qyzmet messendjerlerde (WhatsApp, Telegram jáne t.b.) Qazaqstan Respýblıkasy Sybaılas jemqorlyqqa qarsy is-qımyl agenttiginiń basshylyǵy men qyzmetkerleriniń atynan jalǵan akkaýnttar qurǵan jáne jalǵan aqparat taratatyn alaıaqtarǵa senbeý keregin eskertti. Bul týraly agenttiktiń baspsóz qyzmeti málim etti.
«Alaıaqtar Antıkor sımvolıkasy bar jalǵan qujattardy, habarlamalardy jáne faıldardy jasap, halyqqa joldap jatyr. Jalǵan aqparattyq taratýlarǵa senbeý, kúmándi siltemelerge ótpeýdi, sondaı-aq qolma-qol aqsha aýdarmaýdy suraımyz», - delingen habarlamada.
Osyndaı qońyraýlar men taratýlardy alǵan jaǵdaıda, osy faktiler týraly Qazaqstan Respýblıkasynyń Quqyq qorǵaý organdaryna dereý habarlaýdy suraıtynyn jazǵan.
Eske sala keteıik, buǵan deıin sýıtsıdke ıtermeleıtin Telegram arna buǵattalǵanyn jazǵan bolatynbyz.
