Sybaılas jemqorlyqqa qarsy qyzmet «Ádil qoǵam» jobasyn iske qosty
ASTANA. KAZINFORM – «Zań men tártip» tujyrymdamasy aıasynda Sybaılas jemqorlyqqa qarsy qyzmet ıÝNESKO qamqorlyǵyndaǵy Mádenıetterdi jaqyndastyrý ortalyǵymen birlesip «Ádil qoǵam» atty qoǵamdyq jobaǵa bastama jasady.
Atalǵan joba mádenı jáne bilim berý baǵdarlamalary arqyly sybaılas jemqorlyqqa qarsy dúnıetanymdy nyǵaıtýǵa jáne keńeıtýge baǵyttalǵan.
Aǵymdaǵy jyldyń 24 maýsym kúni Astana qalasynda jobanyń tanystyrylymy men iske qosylýy Ulttyq akademııalyq kitaphana bazasynda ótti.
Іs-sharaǵa Sybaılas jemqorlyqqa qarsy qyzmettiń tóraǵasy Ashat Jumaǵalı, Mádenıet jáne aqparat mınıstri Aıda Balaeva, Parlament depýtattary, memlekettik organdar men uıymdardyń basshylary, memleket jáne qoǵam qaıratkerleri, eldiń ǵylymı jáne shyǵarmashylyq zııaly qaýym ókilderi qatysty.
Іs-sharanyń moderatory retinde memleket jáne qoǵam qaıratkeri, agenttik janyndaǵy Qoǵamdyq keńestiń múshesi Beıbit Mamraev sóz sóıledi.
Agenttik tóraǵasy Ashat Jumaǵalı quttyqtaý sózinde qazaqtyń ulttyq dástúrleri ejelden beri ádildik, parasattylyq jáne adaldyq sııaqty mańyzdy qundylyqtardy qalyptastyrǵanyn atap ótti.
— Bul ıdealdar urpaqtan urpaqqa berilip, ańyzdardan, maqaldardan, óleńder men ádet-ǵuryptardan kórinis tapty.
Rýhanı muraǵa baı ulttyq mádenıet halyq arasynda adamgershilik normalar men qaǵıdattardy qurmetteýdi tárbıeleýge negiz boldy.
Osylaısha, ulttyq murany, otbasylyq jáne qaýymdyq dástúrlerdi qurmetteý arqyly sybaılas jemqorlyqqa qarsy qundylyqtardy qura otyryp, biz adal qoǵamdy qalyptastyrý úshin berik irgetas qalaımyz, — dedi agenttik tóraǵasy.
Mádenıet jáne aqparat mınıstri Aıda Balaeva óz sózinde «Ádil qoǵam» jobasynyń adaldyq pen ádilettilik jolyndaǵy naqty qadamdardyń biri ekenin atap ótti.
Іs-shara aıasynda kelýshiler men qatysýshylarǵa oqýshylardyń sybaılas jemqorlyqqa qarsy taqyryptaǵy úzdik sýretteri, halyq danalyǵy men adaldyq úlgileri kórsetilgen «Іzgilik dástúri» atty beınerolıkter, sondaı-aq dástúrli moraldyq normalardy ashyp kórsetetin eksponattar usynylǵan «Uly dala ádebi» kórmesi tanystyryldy.
«Ádil qoǵam» jobasy turaqty damý men rýhanı jańarý negizi retinde ádilettilik mádenıetin bekitýge, mádenı jáne bilim berý baǵdarlamalary arqyly sybaılas jemqorlyqqa qarsy dúnıetanymdy keńeıtýge baǵyttalǵan.
Joba qoǵam belsendilerin, belgili qoǵam qaıratkerlerin biriktirip, ashyq qoǵamdyq dıalog alańyna aınalmaq.
Bul bastamany ǵylymı jáne shyǵarmashylyq zııaly qaýym ókilderi qoldap, jobany el ıgiligi úshin ıgi ıdeıalar men bastamalardy tartý núktesine aınaldyrýǵa úmit bildirdi.
Aıta ketelik Ekologııa mınıstrligine qarasty 8 qyzmetker jemqorlyq boıynsha sottalǵany týraly jazǵan edik.