Sybaılas jemqorlardyń jarııa tizilimi engiziledi

ASTANA. KAZINFORM – Aýyr jáne asa aýyr sybaılas jemqorlyq qylmystar jasaǵany úshin sottalǵandardyń jarııa tizilimi engiziledi. Bul týraly Májilistiń jalpy otyrysynda sybaılas jemqorlyqqa qarsy is-qımyl máseleleri boıynsha zań jobasyn talqylaý kezinde QR Sybaılas jemqorlyqqa qarsy is-qımyl agenttigi tóraǵasynyń birinshi orynbasary Ulan Sarqulov málim etti.

- Sybaılas jemqorlardyń jarııa tizilimin engizý eskerilgen. Bul – profılaktıkalyq qural. Onyń basty maqsaty – qoǵam arqyly sybaılas jemqorlyqqa tózbeýshilikti qalyptastyrý. Tizilimde aýyr nemese asa aýyr sybaılas jemqorlyq qylmystar jasaǵany úshin sottalǵandar týraly málimetter qamtylatyn bolady. Málimetter tek zańdy kúshine engen aıyptaý úkiminiń negizinde qosylady, - dedi U. Sarqulov.

Onyń aıtýynsha, tiziliminen aqtaý úkiminiń zańdy kúshine enýi jáne sottylyqtyń ótelýi negizinde shyǵarý múmkin bolady. Tizilim agenttiktiń saıtyna ornalastyrylady. Tizilimdi júrgizýdi agenttikke bekitý kózdelip otyr.

Budan buryn habarlanǵandaı, Antıkor Qazaqstannyń týrızm salasyndaǵy sybaılas jemqorlyqty tekseredi.