Sıan qazaqstandyq qalamen baýyrlas bolady

BEIJІŃ-SIANЬ. QazAqparat - Qytaı Halyq Resýblıkasyndaǵy Qazaqstannyń elshisi Shahrat Nuryshev Qytaıdyń Shensı provıntsııasynyń Sıan qalasyna jasaǵan issapary aıasynda Shensı provıntsııasynyń vıtse-gýbernatory Lý Chjıýanmen jáne Sıan qalasynyń meri Shangýan Tszıtszınmen kelissózder júrgizip qaıtty, dep habarlaıdy QazAqparat tilshisi.

Qazaqstan elshisiniń Lý Chjııýanmen kezdesýi kezinde qos tarap Qazaqstan men Shensı provıntsııasy arasyndaǵy ónerkásip jáne ınvestıtsııa salalarynda baılanysty nyǵaıtý máselesin talqylady.

Sondaı-aq, Qazaqstan elshisi men Sıan qalasynyń meri Qazaqstan qalalary men Sıannyń arasynda  dostyq qarym-qatynas ornatý jáne óńiraralyq yntymaqtastyqty damytý máselesine qatysty pikir almasty.

«Sıandyq kásipkerler «Bir belbeý - bir jol» bastamasyn júzege asyrýǵa belsendi túrde aralasyp, Qazaqstan ekonomıkasyna qarjy quıýǵa ázir. Sonymen qatar, jergilikti kásiporyndar Qazaqstan Respýblıkasynan ekologııalyq taza aýylsharýashylyq ónimderin ımporttaıdy. Atap aıtqanda, elge  bal, sıyr men qoı etterin, dándi daqyldardy jetkizýmen aınalysady», - dedi Shangýan Tszıtszın.

Byıl taraptar 2013 jyly QHR basshysy Sı Tszınpın jarııalaǵan «Jibek jolynyń ekonomıkalyq belbeýi» bastamasynyń usynylǵanyna 5 jyl tolýyn toılaıdy. Osy ýaqyt aralyǵynda elimizdiń Sıan qalasymen saýda-ekonomıkalyq, kólik-logıstıkalyq jáne ınvestıtsııa salalarynda yntymaqtastyǵy nyǵaıdy. Oǵan  dálel retinde Qytaıdan Qazaqstan arqyly tranzıtpen Eýropa elderine ótetin «Chanan - 1» konteınerlik poıyzyn aıta ketý kerek»,- dedi qazaqstandyq dıplomat.

Sıan men qazaqstandyq qalalardyń biriniń arasynda dostyq qarym-qatynas ornatý týraly kelisimge qol jetkizildi.