Qytaıdyń Sıan qalasynda turaqty jumys isteıtin qazaqstandyq pavılon ashylady
Qazaqstan Respýblıkasynyń Bas konsýldyǵy «Jibek joly 7-shi halyqaralyq forýmyna» jáne Qytaıdyń «Shyǵys-Batys» yntymaqtastyq, ınvestıtsııalyq jáne saýda kórmesine qatysty, dep habarlaıdy Kazinform QR Syrtqy ister mınıstrliginiń baspasóz qyzmetine silteme jasap.
Osy kórme aıasynda Qazaqstan Respýblıkasynyń Bas konsýldyǵy Sıan qalasynyń Saýda-ónerkásip palatasynyń qoldaýymen turaqty jumys isteıtin qazaqstandyq pavılon ashý týraly ýaǵdalastyqqa qol jetkizdi.
Qazaqstandyq kórme pavılonynyń ashylý jáne tusaýkeser rásimine Shensı provıntsııasy gýbernatorynyń orynbasary men Almaty oblysynyń ákimi jáne basqa da kóptegen joǵary dárejeli qonaqtar qatysyp, kórmege kelýshilerdi qazaq halqynyń baı mádenıetimen, dástúrlerimen jáne otandyq ónimderimen tanystyrdy.
Sonymen qatar, osy is-shara aıasynda QR Bas konsýldyǵynyń bastamasymen Sıan qalasyndaǵy dıplomatııalyq mıssııa ǵımaratynda Almaty oblysynyń ákimdigimen birlesip qarjy ınstıtýttary men jeke ınvestıtsııalyq kompanııalar ókilderiniń qatysýymen bıznes-konferentsııa uıymdastyryldy. Ótken V2V kelissózder barysynda múddeli taraptar ekonomıkanyń túrli salalaryndaǵy tyǵyz yntymaqtastyqty odan ári jalǵastyrýǵa shynaıy qyzyǵýshylyq tanytty.
Kelissózder nátıjeleri boıynsha qurylys, turǵyn úı-kommýnaldyq sharýashylyqty basqarý, aýyl sharýashylyǵy jáne mal sharýashylyǵyn damytý, azyq-túlik taýarlarynyń ımporty men eksporty jáne t. b. salalardaǵy yntymaqtastyqty odan ári damytý týraly on bes kelisim men Memorandýmdarǵa qol qoıyldy.
Sıandaǵy QR Bas konsýldyqtyń ǵımaratynda aýqymdy jáne joǵary deńgeıdegi is-sharalardyń ıdeıasyn qatysýshylar mol qyzyǵýshylyqpen qarsy aldy.
