Sıan qalasynda turaqty jumys isteıtin qazaqstandyq pavılon ashyldy
Sıan qalasynda turaqty jumys isteıtin qazaqstandyq pavılon ashý týraly kelisimge qol jetkizildi, dep habarlaıdy Kazinform.
16-20 qarasha aralyǵynda ótetin Qazaqstan Respýblıkasynyń Bas konsýldyǵy «Jibek joly 7-shi halyqaralyq forýmyna» jáne Qytaıdyń «Shyǵys-Batys» yntymaqtastyq, ınvestıtsııalar-saýda kórmesine belsendi qatysyp jatyr.
Osy kórme aıasynda Qazaqstan Respýblıkasynyń Bas konsýldyǵy Sıan qalasynyń Saýda-ónerkásip palatasynyń qoldaýymen turaqty jumys isteıtin qazaqstandyq pavılon ashý týraly ýaǵdalastyqqa qol jetkizdi.
Qazaqstandyq kórme pavılonynyń ashylýy jáne tusaýkeser rásimine Shensı provıntsııasy gýbernatorynyń orynbasary men Almaty oblysynyń ákimi jáne basqa da kóptegen joǵary dárejeli qonaqtar qatysyp, kórmege kelýshilerdi qazaq halqynyń baı mádenıetimen, dástúrlerimen jáne otandyq ónimderimen tanystyrdy.
Sonymen qatar osy is-shara aıasynda QR Bas konsýldyǵynyń bastamasymen Sıan qalasyndaǵy dıplomatııalyq mıssııa ǵımaratynda Almaty oblysynyń ákimdigimen birlesip qarjy ınstıtýttary men jeke ınvestıtsııalyq kompanııalar ókilderiniń qatysýymen bıznes-konferentsııa uıymdastyryldy. Ótken V2V kelissózder barysynda múddeli taraptar ekonomıkanyń túrli salalarynda odan ári tyǵyz yntymaqtastyqqa shynaıy qyzyǵýshylyq tanytty.
Kelissózder nátıjeleri boıynsha qurylys, TKSh basqarý, aýyl sharýashylyǵy jáne mal sharýashylyǵyn damytý, azyq-túlik taýarlarynyń ımporty men eksporty jáne t. b. salalardaǵy odan ári yntymaqtastyqty damytý týraly on bes kelisim men Memorandýmdarǵa qol qoıyldy.
Sıan qalasynda ornalasqan QR Bas konsýldyǵynyń ǵımaratynda aýqymdy kólemdegi jáne joǵary deńgeıde mundaı is-sharalardyń ótkizilý ıdeıasyn barlyq tarap úlken qyzyǵýshylyqpen qabyldady.
